อรรถกถาเล่มที่ ๓๓ หน้าที่ ๗๑.

ฐิโต ปพฺพตปาทมฺหิ อสฺสาสยิ มหามุนิ วกฺกลีติ ชิโน วาจํ ตํ สุตฺวา มุทิโต อหํ. ปกฺขนฺทึ เสลปพฺภาเร อเนกสตโปริเส ตทา พุทฺธานุภาเวน สุเขเนว มหึ คโต. ปุโนปิ ธมฺมํ เทเสติ ขนฺธานํ อุทยพฺพยํ. ตมหํ ธมฺมมญฺญาย อรหตฺตมปาปุณึ. สุมหาปริสมชฺเฌ ตทา มํ จรณนฺตโค อคฺคํ สทฺธาธิมุตฺตานํ ปญฺญเปสิ มหามติ. สตสหสฺสิโต กปฺเป ยํ กมฺมมกรึ ตทา ทุคฺคตึ นาภิชานามิ พุทฺธปูชายิทํ ผลํ. กิเลสา ฌาปิตา มยฺหํ ฯเปฯ กตํ พุทฺธสฺส สาสนนฺ"ติ. อรหตฺตํ ปน ปตฺวา อญฺญํ พฺยากโรนฺโตปิ เถโร อิมาเอว คาถา อภาสิ. อถ นํ สตฺถา ภิกฺขุสํฆมชฺเฌ นิสินฺโน สทฺธาธิมุตฺตานํ อคฺคฏฺฐาเน ฐเปสีติ. วกฺกลิตฺเถรคาถาวณฺณนา นิฏฺฐิตา. ----------------- ๓๔๓. ๙. วิชิตเสนตฺเถรคาถาวณฺณนา โอลคฺคิสฺสามีติอาทิกา อายสฺมโต วิชิตเสนตฺเถรสฺส คาถา. กา อุปฺปตฺติ? อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยํ กุสฺลํ อุปจินนฺโต อตฺถทสฺสิสฺส ภควโต กาเล กุลเคเห นิพฺพตฺติตฺวา วิญฺญุตํ ปตฺโต ฆราวาสํ ปหาย อิสิปพฺพชฺชํ ปพฺพชิตฺวา อรญฺเญ วิหรนฺโต อากาเสน คจฺฉนฺตํ ภควนฺตํ ทิสฺวา ปสนฺนมานโส ปสนฺนาการํ ทสฺเสนฺโต อญฺชลึ ปคฺคยฺห อฏฺฐาสิ. สตฺถา

เนื้อความอรรถกถาฉบับภาษาบาลี อักษรไทย เล่มที่ ๓๓ หน้าที่ ๗๑. http://84000.org/tipitaka/read/attha_page.php?book=33&page=71&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=33&A=1612&modeTY=2&pagebreak=1 http://84000.org/tipitaka/atthapali/th_line.php?B=33&A=1612&modeTY=2&pagebreak=1#p71