อรรถกถาเล่มที่ ๓๔ หน้าที่ ๑๔.

พุทฺธุปฺปาโท, สทฺธาปฏิลาโภติ อิเม โยคา สมยา ทุลฺลภกฺขณา ตํ มา อติกฺกมุํ. กามโยคาทโยเอว วา จตฺตาโร โยคา ตํ มา อุปจฺจคุํ มา อภิภเวยฺยุํ. สพฺพโยค- วิสํยุตฺตาติ สพฺเพหิ กามโยคาทีหิ โยเคหิ วิมุตฺตา ตโต เอว อนาสวา หุตฺวา โลเก จร, ทิฏฺฐธมฺมสุขวิหาเรน ^๑- วิหราหีติ อตฺโถ. สา ตํ คาถํ สุตฺวา วิปสฺสนํ วฑฺเฒตฺวา อรหตฺตํ ปาปุณีติอาทินโย เหฏฺฐา วุตฺตนเยเนว เวทิตพฺโพ. ติสฺสาเถรีคาถาวณฺณนา นิฏฺฐิตา. ------------------- ๔๐๖-๔๑๑. ๕-๑๐. ติสฺสาทิเถรีคาถาวณฺณนา ติสฺเส ยุญฺชสฺสุ ธมฺเมหีติอาทิกา ติสฺสาย เถริยา คาถา. ตสฺสา วตฺถุ ติสฺสาสิกฺขมานาย วตฺถุสทิสํ. อยํ ปน เถรี หุตฺวา อรหตฺตํ ปาปุณิ. ยถา จ อยํ, เอวํ อิโต ปรํ ธีรา, วีรา, มิตฺตา, ภทฺรา, อุปสมาติ ปญฺจนฺนํ เถรีนํ วตฺถุ เอกสทิสเมว. สพฺพาปิ อิมา กปิลวตฺถุวาสินิโย โพธิสตฺตสฺส โอโรธภูตา มหาปชาปติโคตมิยา สทฺธึ นิกฺขนฺตา โอภาสคาถาย จ อรหตฺตํ ปตฺวา ฐเปตฺวา สตฺตมึ. สา ปน โอภาสคาถาย วินา ปเคว ^๒- สตฺถุ สนฺติเก ลทฺธํ โอวาทํ นิสฺสาย วิปสฺสนํ อุสฺสุกฺกาเปตฺวา อรหตฺตํ ปาปุณิตฺวา อุทานวเสน "ธีรา ธีเรหี"ติ ^๓- คาถํ อภาสิ. อิตราปิ อรหตฺตํ ปตฺวา ๔-:- [๕] "ติสฺเส ยุญฺชสฺสุ ธมฺเมหิ ขโณ ตํ มา อุปจฺจคา ขณาตีตา หิ โสจนฺติ นิรยมฺหิ สมปฺปิตา. @เชิงอรรถ: ^๑ ฉ.ม. ทิฏฺฐสุขวิหาเรน ^๒ สี.,ม. สํเวคํ @^๓ ฉ. วีรา วีเรหีติ ^๔ ม. อรหตฺตํ ปตฺวา อิมาย คาถาย อภาสิ

เนื้อความอรรถกถาฉบับภาษาบาลี อักษรไทย เล่มที่ ๓๔ หน้าที่ ๑๔. http://84000.org/tipitaka/read/attha_page.php?book=34&page=14&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=34&A=297&modeTY=2&pagebreak=1 http://84000.org/tipitaka/atthapali/th_line.php?B=34&A=297&modeTY=2&pagebreak=1#p14