romanATTHA book 34 Page 152.

Devasurasangame aparajitam vijitavim indam tavatimsa deva viya mahatheri mayantam purakkhatva viharissama ^1- annassa kattabbassa abhavato. Tasma "tevijjamha anasava"ti attano katannubhavam pavedenti. Idameva tasam annabyakaranam ahosi. Yam panettha atthato avibhattam, tam hettha vuttanayameva. Timsamattatherigathavannana nitthita. ------------------ 450. 12. Candatherigathavannana duggataham pure asintiadika candaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti anukkamena sambhatavimokkhasambhara paripakkanana imasmim buddhuppade annatarasmim brahmanagame apannatassa brahmanassa gehe patisandhim ganhi. Tassa nibbattito patthaya tam kulam bhogehi parikkhayam gatam. Sa anukkamena vinnutam patta ^2- dukkhena jivati. Atha tasmim gehe ahivatarogo uppajji. Tenassa sabbepi nataka maranabyasanam papunimsu. Sa natikkhaye jate annattha jivitum asakkonti kapalahattha kule kule vicaritva laddhaladdhena bhikkhaharena yapenti ekadivasam patacaraya theriya bhattavissaggatthanam agamasi. Bhikkhuniyo tam dukkhitam dukkhabhibhutam disva ^3- sanjatakaruna ^4- piyasamudacarena sangahetva tattha vijjamanena upacara- manoharena aharena santappesum. Sa tasam acarasile pasiditva theriya santikam upasankamitva vanditva ekamantam nisidi. Tassa theri dhammam kathesi. Sa tam dhammam sutva sasane abhippasanna samsare ca sanjatasamvega pabbaji. Pabbajitva @Footnote: ¹ Si.,i. vihariyama ² cha.Ma. patva @³ cha.Ma. khuddabhibhutam disvana ⁴ cha.Ma. sanjatakarunna

The Pali Atthakatha in Roman Character Volume 34 Page 152. http://84000.org/tipitaka/read/attha_page.php?book=34&page=152&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=34&A=3276&modeTY=2&pagebreak=1 http://84000.org/tipitaka/atthapali/rm_line.php?B=34&A=3276&modeTY=2&pagebreak=1#p152