บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 34 : PALI ROMAN Theri.A. (paramatthadi.) Page 28.
417. 16. Vuddhapabbajitasumanatherigathavannana sukham tvam vuddhike sehitiadika sumanaya vuddhapabbajitaya gatha. Ayampi purimabuddhesu katadhikara tattha tattha bhave kusalam upacinitva imasmim buddhuppade savatthiyam mahakosalaranno bhagini hutva nibbatti. Sa satthara ranno pasenadikosalassa "cattaro kho me maharaja daharati na unnatabba"ti- adina 1- desitam dhammam sutva laddhapasada saranesu ca silesu ca patitthaya pabbajitu- kamapi "ayyikam patijaggissami"ti ciram kalam vitinametva aparabhage ayyikaya kalakataya ranna saddhim mahagghani attharanani pavuranani gahapetva viharam gantva samghassa dapetva satthu santike dhammam sutva anagamiphale patitthita pabbajjam yaci. Sattha tassa nanaparipakam disva:- [16] "sukham tvam vuddhike sehi katva colena paruta upasanto hi te rago sitibhutasi nibbuta"ti imam gatham abhasi. Sa gathapariyosane saha patisambhidahi arahattam patva udana- vasena tameva gatham abhasi. Idameva cassa annabyakaranam ahosi, sa tavadeva pabbaji. Gathaya pana vuddhiketi vuddhe, vayovuddheti attho. Ayam pana siladi- gunehipi vuddha, theriya vuttagathaya catutthapade sitibhutasi nibbutati yojetabbam. Sesam vuttanayameva. Vuddhapabbajitasumanatherigathavannana nitthita. ---------------------- @Footnote: 1 sam.sa. 15/112/83The Pali Atthakatha in Roman Character Volume 34 Page 28. http://84000.org/tipitaka/read/attha_page.php?book=34&page=28&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=34&A=598&modeTY=2&pagebreak=1 http://84000.org/tipitaka/atthapali/rm_line.php?B=34&A=598&modeTY=2&pagebreak=1#p28
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]