ATTHAKATHA Book 34 : PALI ROMAN
Theri.A. (paramatthadi.)
Page 30.

                    419. 18. Samghatherigathavannana
      hitva ghare pabbajitvatiadika samghaya theriya gatha.
      Tassa vatthu dhiratheriya vatthusadisam. 1- Sa pana arahattam patta 1-:-
      [18] "hitva ghare pabbajitva        hitva puttam pasum piyam
            hitva raganca dosanca        avijjanca virajiya
            samulam tanhamabbuyha            upasantamhi nibbuta"ti
gatham abhasi.
      Tattha hitvati chaddetva. Ghareti geham. Gharasaddo hi ekasmimpi
abhidheyye kadaci bahusu bijam viya rulhivasena vohariyati. Hitva puttam pasum piyanti
piyayitabbe putte ceva gomahisadike pasu ca tappatibaddhachandaragappahanena pahaya.
Hitva raganca dosancati rajjanasabhavam ragam dussanasabhavam dosanca ariyamaggena
samucchinditva. Avijjanca virajiyati sabbakusalesu pubbangamam mohanca
virajitva maggena samugghatetva iccevamattho. Sesam vuttanayameva.
                     Samghatherigathavannana nitthita.
                      Ekakanipatavannana nitthita.
                         ---------------
@Footnote: 1-1 cha.Ma. gatha pana


The Pali Atthakatha in Roman Character Volume 34 Page 30.
http://84000.org/tipitaka/read/attha_page.php?book=34&page=30&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=34&A=641&modeTY=2&pagebreak=1
http://84000.org/tipitaka/atthapali/rm_line.php?B=34&A=641&modeTY=2&pagebreak=1#p30