บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๔ ภาษาบาลี อักษรไทย เถรี.อ. (ปรมตฺถที.) หน้าที่ ๘๓.
ตตฺถ สตฺติสูลูปมา กามาติ กามา นาม เยน อธิฏฺิตา, ตสฺส สตฺตสฺส วินิวิชฺฌนโต นิสฺสิตสตฺติ วิย สูลํ วิย จ ๑- ทฏฺพฺพา. ขนฺธาติ อุปาทานกฺขนฺธา. อาสนฺติ เตสํ. อธิกุฏฺฏนาติ ฉินฺทนาธิฏฺานา, อจฺจาทานฏฺานนฺติ อตฺโถ. ยโต ขนฺเธ อจฺจาทาย สตฺตา กาเมหิ เฉชฺชเภชฺชํ ปาปุณนฺติ. ยํ ตฺวํ กามรตึ พฺรูสิ, อรตี ทานิ สา มมาติ ปาปิม ตฺวํ ยํ กามรตึ รมิตพฺพํ เสวิตพฺพํ กตฺวา วทสิ, สา ทานิ มม นิรติชาติกตฺตา ๒- มีฬฺหสทิสา, น ตาย มม โกจิ อตฺโถ อตฺถีติ. ตตฺถ การณมาห "สพฺพตฺถ วิหตา นนฺที"ติอาทินา. ตตฺถ เอวํ ชานาหีติ "สพฺพโส ปหีนตณฺหาวิชฺชา"ติ มํ ชานาหิ, ตโต เอว พลวิธมนวิสยาติกฺกมเนหิ อนฺตก ลามกาจาร มาร ตฺวํ มยา นิหโต พาธิโต อสิ, น ปนาหํ ตยา พาธิตพฺพาติ อตฺโถ. เอวํ เถริยา มาโร สนฺตชฺชิโต ตตฺเถวนฺตรธายิ. เถรีปิ ผลสมาปตฺติสุเขน อนฺธวเน ทิวสภาคํ วีตินาเมตฺวา สายเณฺห วสนฏฺานเมว คตา. เสลาเถรีคาถาวณฺณนา นิฏฺิตา. ----------------- ๔๓๗. ๘. โสมาเถรีคาถาวณฺณนา ยนฺตํ อิสีหิ ปตฺตพฺพนฺติอาทิกา โสมาย เถริยา คาถา. อยมฺปิ ปุริมพุทฺเธสุ กตาธิการา ตตฺถ ตตฺถ ภเว วิวฏฺฏูปนิสฺสยํ กุสลํ อุปจินนฺตี สิขิสฺส ภควโต กาเล ขตฺติยมหาสาลกุเล นิพฺพตฺติตฺวา วิญฺุตํ ปตฺวา อรุณรญฺโ ๓- อคฺคมเหสี อโหสีติ สพฺพํ อตีตวตฺถุ อภยตฺเถริยา วตฺถุสทิสํ. @เชิงอรรถ: ๑ สี. นิสิตปีตสตฺติสูลา วิย ๒ สี. อรติชาติกตฺตา ๓ สี. อรุณวโต รญฺโเนื้อความอรรถกถาฉบับภาษาบาลี อักษรไทย เล่มที่ ๓๔ หน้าที่ ๘๓. http://84000.org/tipitaka/read/attha_page.php?book=34&page=83&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=34&A=1768&pagebreak=1 http://84000.org/tipitaka/atthapali/th_line.php?B=34&A=1768&pagebreak=1#p83
จบการแสดงผล หน้าที่ ๘๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]