อรรถกถาเล่มที่ ๓๕ ภาษาบาลี อักษรไทย
ชา.อ.๑ เอกนิปาต(๑)
หน้าที่ ๒๑๓.

ปพฺพชิตฺวา พฺรหฺมวิหาเร ภาเวตฺวา ปุน พฺรหฺมโลกูปโคว อโหสิ ฯ
     สตฺถาปิ น ภิกฺขเว ตถาคโต อิทาเนว มหาภินิกฺขมนํ นิกฺขมนฺโต
ปุพฺเพปิ นิกฺขนฺโตเยวาติ วตฺวา อิทํ ธมฺมเทสนํ อาหริตฺวา ทสฺเสตฺวา
จตฺตาริ อริยสจฺจานิ ปกาเสสิ ฯ สจฺจปริโยสาเน เกจิ โสตาปนฺนา
อเหสุํ เกจิ สกทาคามิโน เกจิ อนาคามิโน ฯ อิติ ภควา อิมานิ เทฺว
วตฺถูนิ กเถตฺวา อนุสนฺธึ ฆเฏตฺวา ชาตกํ สโมธาเนสิ ตทา กปฺปโก
อานนฺโท อโหสิ ปุตฺโต ราหุโล มฆเทวราชา ปน อหเมวาติ ฯ
                    มฆเทวชาตกํ นวมํ ฯ
                 --------------------
                     ๑๐ สุขวิหาริชาตกํ
     ยญฺจ อญฺเญ น รกฺขนฺตีติ อิทํ สตฺถา อนุปิยนครํ นิสฺสาย
อนุปิยอมฺพวเน วิหรนฺโต สุขวิหารึ ภทฺทิยตฺเถรํ อารพฺภ กเถสิ ฯ
สุขวิหารี ภทฺทิยตฺเถโร ฉขตฺติยสมาคเม อุปาลิสตฺตโม ปพฺพชิโต ฯ เตสุ
ภทฺทิยตฺเถโร จ กิมฺพิลตฺเถโร จ ภคุตฺเถโร จ อุปาลิตฺเถโร จ อรหตฺตํ
ปตฺตา อานนฺทตฺเถโร โสตาปนฺโน ชาโต อนุรุทฺธตฺเถโร ทิพฺพจกฺขุโก
เทวทตฺโต ฌานลาภี ชาโต ฯ ฉนฺนํ ปน ขตฺติยานํ วตฺถุ ยาว
อนุปิยนครา กณฺฑหาลชาตเก อาวิภวิสฺสติ ฯ อายสฺมา ปน ภทฺทิโย
ราชกาเล อตฺตานํ รกฺขนฺโต รกฺขาสํวิธานเทวตาว พหูหิ รกฺขาหิ
รกฺขิยมานสฺส อุปริ ปาสาทตเล มหาสยเน ปริวตฺตมานสฺสาปิ
อตฺตโน ภยุปฺปตฺติญฺจ ทิสฺวา อิทานิ อรหตฺตํ ปตฺวา


เนื้อความอรรถกถาฉบับภาษาบาลี อักษรไทย เล่มที่ ๓๕ หน้าที่ ๒๑๓.
http://84000.org/tipitaka/read/attha_page.php?book=35&page=213&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=35&A=4436&modeTY=2&pagebreak=1
http://84000.org/tipitaka/atthapali/th_line.php?B=35&A=4436&modeTY=2&pagebreak=1#p213