ATTHAKATHA Book 35 : PALI ROMAN
Ja.A.1 ekanipat (1)
Page 310.

               Rudam manunnam rucira ca pitthi
               veluriyavannupatibha ca giva
               byamamattani ca pekkhunani
               naccena te dhitaram no dadamiti.
     Tattha rudam manunnanti takarassa dakaro kato. Ruttam manapam
vassitasaddo madhuroti attho. Rucira ca pitthiti pitthipi te citra
ceva sobhana ca. Veluriyavannupatibhati veluriyamanivannasadisa.
Byamamattaniti ekabyamappamanani. Pekkhunaniti pinjani.
Naccena te dhitaram no dadamiti hirottappam bhinditva naccitabhaveneva
te evarupassa nillajjassa dhitaram no demiti vatva hamsaraja tasmimyeva
parisamajjhe attano bhagineyyassa hamsapotakassa dhitaram adasi.
     Moro hamsapotikam alabhitva lajjitva tatova uppatitva
palayi. Hamsarajapi attano vasanatthanameva gato.
     Sattha na bhikkhave idanevesa hirottappam bhinditva
ratanasasana parihino pubbepi itthiratanapatilabhatopi parihinoyevati
imam dhammadesanam aharitva anusandhim ghatetva jatakam samodhanesi
tada moro bahubhandiko bhikkhu ahosi hamsaraja pana ahamevati.
                     Naccajatakam dutiyam.
                      ----------


The Pali Atthakatha in Roman Character Volume 35 Page 310.
http://84000.org/tipitaka/read/attha_page.php?book=35&page=310&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=35&A=6386&modeTY=2&pagebreak=1
http://84000.org/tipitaka/atthapali/rm_line.php?B=35&A=6386&modeTY=2&pagebreak=1#p310