อรรถกถาเล่มที่ ๓๖ หน้าที่ ๒๙๐.

มญฺญมานา ชาลโกฏิยํ คเหตฺวา อุกฺขิปึสุ ฯ เต เทฺวปิ มจฺฉา ชาลโต มุจฺจิตฺวา อุทเก ปตึสุ ฯ อิติ เตหิ มิตจินฺตึ นิสฺสาย ชีวิตํ ลทฺธํ ฯ สตฺถา อิมํ อตีตํ อาหริตฺวา อภิสมฺพุทฺโธ หุตฺวา อิมํ คาถมาห พหุจินฺตี อปฺปจินฺตี จ อุโภ ชาเล อพชฺฌเร มิตจินฺตี อโมเจสิ อุโภ ตตฺถ สมาคตาติ ฯ ตตฺถ พหุจินฺตีติ พหุจินฺตนาย วิตกฺกพหุลตาย เอวํลทฺธนาโม ฯ อิตเรสุปิ ทฺวีสุ อยเมว นโย ฯ อุโภ ตตฺถ สมาคตาติ มิตจินฺตึ นิสฺสาย ลทฺธชีวิตา ตตฺถ อุทเกสุ ปุน อุโภปิ ชนา มิตจินฺตินา สทฺธึ สมาคตาติ อตฺโถ ฯ เอวํ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน มหลฺลกภิกฺขู โสตาปตฺติผเล ปติฏฺฐหึสุ ฯ ตทา พหุจินฺตี อปฺปจินฺตี จ อิเม เทฺว ภิกฺขู อเหสุํ มิตจินฺตี ปน อหเมวาติ ฯ มิตจินฺติชาตกํ จตุตฺถํ ฯ -------

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๒๙๐. http://84000.org/tipitaka/read/attha_page.php?book=36&page=290&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=5790&modeTY=2&pagebreak=1 http://84000.org/tipitaka/atthapali/th_line.php?B=36&A=5790&modeTY=2&pagebreak=1#p290