อรรถกถาเล่มที่ ๓๖ หน้าที่ ๓๐๔.

วาติ อิมสฺมึ กาเล วสฺสิตพฺพํ อิมสฺมึ กาเล น วสฺสิตพฺพนฺติ เอวํ วสฺสิตพฺพยุตฺตกํ กาลํ อกาลํ วา เอส กุกฺกุโฏ น ชานาติ อชานนภาเวเนว ชีวิตกฺขยํ ปตฺโตติ ฯ อิทํ การณํ ทสฺเสตฺวา โพธิสตฺโต ยาวตายุกํ ฐตฺวา ยถากมฺมํ คโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา อกาลราวี กุกฺกุโฏ อยํ ภิกฺขุ อโหสิ อนฺเตวาสิกา พุทฺธปริสา อาจริโย ปน อหเมวาติ ฯ อกาลราวิชาตกํ นวมํ ฯ --------- ๑๐ พนฺธนโมกฺขชาตกํ อพทฺธา ตตฺถ พชฺฌนฺตีติ อิทํ สตฺถา เชตวเน วิหรนฺโต จิญฺจมาณวิกํ อารพฺภ กเถสิ ฯ ตสฺสา วตฺถุ ทฺวาทสนิปาเต มหาปทุมชาตเก อาวิภวิสฺสติ ฯ ตทา ปน สตฺถา น ภิกฺขเว จิญฺจมาณวิกา อิทาเนว มํ อภูเตน อพฺภาจิกฺขติ ปุพฺเพปิ อพฺภาจิกฺขิเยวาติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ปุโรหิตสฺส เคเห นิพฺพตฺโต วยปฺปตฺโต ปิตุ อจฺจเยน ตสฺส ปุโรหิโต อโหสิ ฯ เตน อคฺคมเหสิยา วโร ทินฺโน โหติ ภทฺเท

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๓๐๔. http://84000.org/tipitaka/read/attha_page.php?book=36&page=304&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=6068&modeTY=2&pagebreak=1 http://84000.org/tipitaka/atthapali/th_line.php?B=36&A=6068&modeTY=2&pagebreak=1#p304