อรรถกถาเล่มที่ ๓๖ หน้าที่ ๓๕๙.

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เชฏฺฐนฺเตวาสิโก สารีปุตฺโต มหาพฺรหฺมา ปน อหเมวาติ ฯ ฌานโสธนชาตกํ จตุตฺถํ ฯ ------- ๕. จนฺทาภชาตกํ จนฺทาภนฺติ อิทํ สตฺถา เชตวเน วิหรนฺโต สงฺกสฺสนครทฺวาเร เถรสฺเสว ปญฺหสฺส พฺยากรณํ อารพฺภ กเถสิ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต อรญฺญายตเน กาลํ กโรนฺโต อนฺเตวาสิเกน ปุจฺฉิโต จนฺทาภํ สุริยาภนฺติ วตฺวา อาภสฺสเรสุ นิพฺพตฺโต ฯ ตาปสา เชฏฺฐนฺเตวาสิกสฺส น สทฺทหึสุ ฯ โพธิสตฺโต อาคนฺตฺวา อากาเส ฐิโต อิมํ คาถมาห จนฺทาภํ สุริยาภญฺจ โยธ ปญฺญาย คาธติ อวิตกฺเกน ฌาเนน โหติ อาภสฺสรูปโคติ ฯ ตตฺถ จนฺทาภนฺติ โอทาตกสิณํ ทสฺเสติ ฯ สุริยาภนฺติ ปีตกสิณํ ฯ โยธ ปญฺญาย คาธตีติ โย ปุคฺคโล อิธ สตฺตโลเก อิทํ กสิณทฺวยํ ปญฺญาย คาธติ อารมฺมณํ กตฺวา อนุปวิสติ ตตฺถ วา ปติฏฺฐหติ ฯ อถวา ฯ จนฺทาภํ สุริยาภญฺจ โยธ ปญฺญาย คาธตีติ ยตฺตกํ ฐานํ จนฺทาภา จ สุริยาภา จ ปฏฺฐฏา ตตฺตเก ฐาเน ปฏิภาคกสิณํ วฑฺเฒตฺวา ตํ อารมฺมณํ กตฺวา ฌานํ นิพฺพตฺเตติ อุภยมฺเปตํ อาภํ ปญฺญาย คาธติ นาม ฯ ตสฺมา

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๓๕๙. http://84000.org/tipitaka/read/attha_page.php?book=36&page=359&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=7138&modeTY=2&pagebreak=1 http://84000.org/tipitaka/atthapali/th_line.php?B=36&A=7138&modeTY=2&pagebreak=1#p359