บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๑๐๐.
สจฺจปริโยสาเน อุปาสโก โสตาปตฺติผเล ปติฏฺฐหิ ฯ สตฺถาปิ อนุสนฺธึ ฆเฏตฺวา ชาตกํ สโมธาเนสิ ตทา ชายปติกา เอตรหิ ชายปติกาเยว อาจริยพฺราหฺมโณ ปน อหเมว อโหสีติ ฯ อนภิรติชาตกํ ปญฺจมํ ฯ ------------ ๖. มุทุลกฺขณชาตกํ เอกา อิจฺฉา ปุเร อาสีติ อิทํ สตฺถา เชตวเน วิหรนฺโต สงฺกิเลสํ อารพฺภ กเถสิ ฯ เอโก กิร สาวตฺถีวาสี กุลปุตฺโต สตฺถุ ธมฺมเทสนํ สุตฺวา รตนสาสเน อุรํ ทตฺวา ปพฺพชิตฺวา ปฏิปนฺนโก โยคาวจโร อวิสฺสฏฺฐกมฺมฏฺฐาโน หุตฺวา เอกทิวสํ สาวตฺถิยํ ปิณฺฑาย จรมาโน เอกํ อลงฺกตปฏิยตฺตํ อิตฺถึ ทิสฺวา สุภวเสน อินฺทฺริยานิ ภินฺทิตฺวา โอโลเกสิ ฯ ตสฺส อพฺภนฺตเร กิเลโส จลิ วาสิยา อาโกฏิตขีรรุกฺโข วิย อโหสิ ฯ โส ตโต ปฏฺฐาย กิเลสวสิโก หุตฺวา เนว กายสฺสาทํ น จิตฺตสฺสาทํ ลภิ ภนฺตมิคสปฺปฏิภาโค สาสเน อนภิรโต ปรูฬฺหเกสโลโม ทีฆนโข กิลิฏฺฐจีวโร อโหสิ ฯ อถสฺส อินฺทริยวิการํ ทิสฺวา สหายกา ภิกฺขู กินฺนุ โข เต อาวุโส น ยถา โปราณานิ อินฺทฺริยานีติ ปุจฺฉึสุ ฯ อนภิรโตมฺหิ อาวุโสติ ฯ อถ นํ เต สตฺถุ สนฺติกํ นยึสุ ฯ สตฺถา กึ ภิกฺขเว อนิจฺฉมานํ ภิกฺขุํ อาทาย อาคตตฺถาติ ปุจฺฉิ ฯ อยํ ภนฺเต ภิกฺขุ อนภิรโตติ ฯเนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๑๐๐. http://84000.org/tipitaka/read/attha_page.php?book=36&page=100&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=1984&modeTY=2&pagebreak=1 http://84000.org/tipitaka/atthapali/th_line.php?B=36&A=1984&modeTY=2&pagebreak=1#p100
จบการแสดงผล หน้าที่ ๑๐๐.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]