อรรถกถาเล่มที่ ๓๖ หน้าที่ ๑๑.

อชาย ปาทํ คเหตฺวา โสจติ กิลมติ เอวํ นิจฺจกาลํ โสจตีติ อิมาย คาถาย โพธิสตฺโต ธมฺมํ เทเสสิ ฯ เอวํ เตน เถเรน เอตฺตเก อทฺธาเน ตีสุเยว อตฺตภาเวสุ กุจฺฉิปูโร ลทฺธปุพฺโพ ยกฺเขน หุตฺวา เอกทิวสํ คพฺภมลํ ลทฺธํ สุนเขน หุตฺวา เอกทิวสํ ภตฺตวมนํ ปรินิพฺพานทิวเส ธมฺมเสนาปติสฺสานุภาเวน จตุมฺมธุรํ ลทฺธํ เอวํ ปรสฺส ลาภนฺตรายกรณํ นาม มหาโทสนฺติ เวทิตพฺพํ ฯ ตสฺมึ ปน กาเล โสปิ อาจริโย มิตฺตพินฺทุโกปิ ยถากมฺมํ คโต ฯ สตฺถา เอวํ ภิกฺขเว อตฺตโน อปฺปลาภิภาวญฺจ อริยธมฺมลาภิภาวญฺจ สยเมว เอโส อกาสีติ อิมํ ธมฺมเทสนํ อาหริตฺวา อนุสนฺธึ ฆเฏตฺวา ชาตกํ สโมธาเนสิ ตทา มิตฺตพินฺทุโก โลสกติสฺสตฺเถโร อโหสิ ทิสาปาโมกฺโข อาจริโย ปน อหเมวาติ ฯ โลสกชาตกํ ปฐมํ ฯ -------------- ๒ กโปตชาตกํ โย อตฺถกามสฺสาติ อิทํ สตฺถา เชตวเน วิหรนฺโต อญฺญตรํ โลลภิกฺขุํ อารพฺภ กเถสิ ฯ ตสฺส โลลภาโว นวนิปาเต กากชาตเก อาวิภวิสฺสติ ฯ ตทา ปน ตํ ภิกฺขุํ อยํ ภนฺเต ภิกฺขุ โลโลติ สตฺถุ อาโรเจสุํ ฯ อถ นํ สตฺถา สจฺจํ กิร ตฺวํ ภิกฺขุ โลโลติ ปุจฺฉิ ฯ อาม

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๑๑. http://84000.org/tipitaka/read/attha_page.php?book=36&page=11&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=209&modeTY=2&pagebreak=1 http://84000.org/tipitaka/atthapali/th_line.php?B=36&A=209&modeTY=2&pagebreak=1#p11