อรรถกถาเล่มที่ ๓๖ หน้าที่ ๑๙๓.

อสฺส อชฺช เม กุฏุมฺพํ กิญฺจิ นาภวิสฺสาติ วตฺวา อิมํ คาถมาห มิตฺโต หเว สตฺตปเทน โหติ สหาโย ปน ทฺวาทสเกน โหติ มาสฑฺฒมาเสน จ าติ โหติ ตตุตฺตรึ อตฺตสโมปิ โหติ โสหํ กถํ อตฺตสุขสฺส เหตุ จิรสณฺิตํ กาฬกณฺณึ ชเหยฺยนฺติ ฯ ตตฺถ หเวติ นิปาตมตฺตํ ฯ เมตฺตายตีติ มิตฺโต ฯ เมตฺตึ ปจฺจุปฏฺเปติ สิเนหํ กโรตีติ อตฺโถ ฯ โส ปเนส สตฺตปเทน โหติ เอกโต สตฺตปทวีติหารคมนมตฺเตน โหตีติ อตฺโถ ฯ สหาโย ปน ทฺวาทสเกน โหตีติ สพฺพกิจฺจานํ เอกโต กรณวเสน สพฺพิริยาปเถสุ สห คจฺฉตีติ สหาโย ฯ โส ปเนส ทฺวาทสเกน ปทวีติหารมตฺเตน โหตีติ อตฺโถ ฯ มาสฑฺฒมาเสนาติ มาเสน วา อฑฺฒมาเสน วา ฯ าติ โหตีติ าติสโม โหติ ฯ ตตุตฺตรินฺติ ตโต อุตฺตรึ เอกโต นิวาเสน อตฺตสโมปิ โหติเยว ฯ ชเหยฺยนฺติ เอวรูปํ สหายํ กถํ ชเหยฺยนฺติ มิตฺตสฺเสว คุณํ กเถสิ ฯ ตโต ปฏฺาย ปุน โกจิ ตสฺส อนฺตเร วตฺตา นาม นาโหสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา กาฬกณฺณี อานนฺโท อโหสิ พาราณสีเสฏฺี ปน อหเมวาติ ฯ กาฬกณฺณิชาตกํ ตติยํ ฯ ----------

เนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๑๙๓. http://84000.org/tipitaka/read/attha_page.php?book=36&page=193&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=3890&pagebreak=1 http://84000.org/tipitaka/atthapali/th_line.php?B=36&A=3890&pagebreak=1#p193