บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๖ ภาษาบาลี อักษรไทย ชา.อ.๒ เอกนิปาต(๒) หน้าที่ ๕๓.
ชานามีติ ตสฺมา อิมินา การเณน ชานามิ ฯ เนวายํ ภทฺทกา สุราติ เนว อยํ ภทฺทกา สุรา วิสสํโยชิตาย ภวิตพฺพนฺติ ฯ ธุตฺเต นิคฺคเหตฺวา ยถา ปุน เอวรูปํ น กโรนฺติ ตถา เต ตชฺเชตฺวา วิสฺสชฺเชสิ ฯ โส ยาวชีวํ ทานาทีนิ ปุญฺญานิ กริตฺวา ยถากมฺมงฺคโต ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ธุตฺตา เอตรหิ ธุตฺตา พาราณสีเสฏฺฐี ปน อหเมวาติ ฯ ปุณฺณปาติชาตกํ ตติยํ ฯ ------------ ๔. ผลชาตกํ นายํ รุกฺโข ทุรารุโหติ อิทํ สตฺถา เชตวเน วิหรนฺโต เอกํ ผลกุสลํ อุปาสกํ อารพฺภ กเถสิ ฯ เอโก กิร สาวตฺถีวาสี กุฏุมฺพิโก พุทฺธปฺปมุขํ ภิกฺขุสงฺฆํ นิมนฺเตตฺวา อตฺตโน อาราเม นิสีทาเปตฺวา ยาคุชชฺชกํ ทตฺวา อุยฺยานปาลํ อาณาเปสิ ภิกฺขูหิ สทฺธึ อุยฺยาเน วิจริตฺวา อยฺยานํ อมฺพาทีนิ นานาผลานิ เทหีติ ฯ โส สาธูติ ปฏิสฺสุณิตฺวา ภิกฺขุสงฺฆํ อาทาย อุยฺยาเน วิจรนฺโต รุกฺขํ โอโลเกตฺวา เอตํ ผลํ อามํ เอตํ น สุปกฺกํ เอตํ สุปกฺกนฺติ ชานาติ ฯ ยํ โส วทติ ตํ ตเถว โหติ ฯ ภิกฺขู คนฺตฺวา ตถาคตสฺส อาโรเจสุํ ภนฺเต อยํ อุยฺยานปาโล ผลกุสโล ภูมิยํ ฐิโตว รุกฺขํ โอโลเกตฺวา เอตํ ผลํ อามํ เอตํ นเนื้อความอรรถกถาฉบับภาษาบาลี อักษรไทย เล่มที่ ๓๖ หน้าที่ ๕๓. http://84000.org/tipitaka/read/attha_page.php?book=36&page=53&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=36&A=1042&modeTY=2&pagebreak=1 http://84000.org/tipitaka/atthapali/th_line.php?B=36&A=1042&modeTY=2&pagebreak=1#p53
จบการแสดงผล หน้าที่ ๕๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]