อรรถกถาเล่มที่ ๓๗ ภาษาบาลี อักษรไทย
ชา.อ.๓ ทุกนิปาตวณฺณนา
หน้าที่ ๑๑.

อภินาทยิ เอกนินฺนาทํ อกาสิ ฯ ททฺทเร วสนฺติ ผลิกมิสฺสเก
รชฏปพฺพเต วสนฺโต ฯ ภีโต สนฺตาสมาปาทีติ มรณภเยน ภีโต
จิตฺตุตฺราสํ อาปาทิ ฯ หทยญฺจสฺส อปฺผลีติ เตน จสฺส ภเยน
หทยํ ผลิตํ ฯ
     เอวํ สีโห สิคาลสฺส ชีวิตกฺขยํ ปาเปตฺวา ภาตโร เอกสฺมึ ฐาเน
ปฏิจฺฉาเทตฺวา เตสํ มตภาวํ ภคินิยา อาจิกฺขิตฺวา ตํ สมสฺสาเสตฺวา
ชีวปริยนฺตํ กาญฺจนคุหายํ ฐตฺวา ยถากมฺมํ คโต ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน อุปาสโก โสตาปตฺติผเล ปติฏฺฐหิ ฯ
ตทา สิคาโล นฺหาปิตปุตฺโต อโหสิ, สีหโปติกา ลิจฺฉวิกุมาริกา, ฉ
กนิฏฺฐภาตโร อญฺญตรเถรา อเหสุํ, เชฏฺฐภาติกสีโห ปน อหเมวาติ ฯ
                    สิคาลชาตกํ ทุติยํ ฯ
                     ------------
                       ๓ สูกรชาตกํ
     จตุปฺปโท อหํ สมฺมาติ อิทํ สตฺถา เชตวเน วิหรนฺโต
อญฺญตรํ มหลฺลกตฺเถรํ อารพฺภ กเถสิ ฯ
     เอกสฺมึ ทิวเส รตฺตึ ธมฺมสฺสวเน วตฺตมาเน สตฺถริ
คนฺธกุฏิทฺวาเร มณิโสปาณผลเก ฐตฺวา ภิกฺขุสงฺฆสฺส สุคโตวาทํ ทตฺวา
คนฺธกุฏึ ปวิฏฺเฐ ธมฺมเสนาปติ สตฺถารํ วนฺทิตฺวา อตฺตโน ปริเวณํ
อคมาสิ ฯ มหาโมคฺคลฺลาโน ปริเวณเมว คนฺตฺวา มุหุตฺตํ


เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๑๑.
http://84000.org/tipitaka/read/attha_page.php?book=37&page=11&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=37&A=205&modeTY=2&pagebreak=1
http://84000.org/tipitaka/atthapali/th_line.php?B=37&A=205&modeTY=2&pagebreak=1#p11