อรรถกถาเล่มที่ ๓๗ หน้าที่ ๑๔๒.

ตตฺถ สุปณฺโณติ สุนฺทรปณฺโณ ฯ สุปณฺเณนาติ ทุติเยน หํสโปตเกน ฯ เทโว เทเวนาติ เต เยว เทฺว เทเว กตฺวา กเถติ ฯ จตุมฏฺฐสฺสาติ สรีเรน ชาติยา สเรน คุเณนาติ อิเมหิ จตูหิ มฏฺฐสฺส สุทฺธสฺสาติ อกฺขรตฺโถ ฯ อสุทฺธํ เยว ปน ปสํสาวจเนน นินฺทนฺโต เอวมาห ฯ จตูหิ มฏฺฐสฺส ลามกสฺส กึ เอตฺถ สิคาลสฺสาติ อยเมตฺถ อธิปฺปาโย ฯ วิลํ ปวิสาติ อิทํ โพธิสตฺโต เภรวารมฺมณํ ทสฺเสตฺวา ตํ ปลาเปนฺโต อาห ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา มหลฺลโก สิคาโล อโหสิ, เทฺว หํสโปตกา สาริปุตฺตโมคฺคลฺลานา, รุกฺขเทวตา ปน อหเมวาติ ฯ จตุมฏฺฐชาตกํ สตฺตมํ ฯ ------------ ๘ สีหโกฏฺฐุกชาตกํ สีหงฺคุลี สีหนโขติ อิทํ สตฺถา เชตวเน วิหรนฺโต โกกาลิกํ อารพฺภ กเถสิ ฯ เอกทิวสํ กิร โกกาลิโก อญฺเญสุ พหุสฺสุเตสุ ธมฺมกถํ กเถนฺเตสุ สยมฺปิ กเถตุกาโม อโหสิ ฯ สพฺพํ เหฏฺฐาวุตฺตนเยเนว วิตฺถาเรตพฺพํ ฯ ตํ ปน ปวตฺตึ สุตฺวา สตฺถา น ภิกฺขเว โกกาลิโก อิทาเนว อตฺตโน สทฺเทน ปากโฏ ชาโต, ปุพฺเพปิ ปากโฏ อโหสิ เยวาติ วตฺวา อตีตํ อาหริ ฯ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๑๔๒. http://84000.org/tipitaka/read/attha_page.php?book=37&page=142&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=2823&modeTY=2&pagebreak=1 http://84000.org/tipitaka/atthapali/th_line.php?B=37&A=2823&modeTY=2&pagebreak=1#p142