อรรถกถาเล่มที่ ๓๗ หน้าที่ ๒๐๓.

โปโส ฯ นายํ อสฺมาก รุจฺจตีติ อยํ ปาปกจฺฉโป อมฺหากํ น รุจฺจติ น ขมตีติ อตฺโถ ฯ กจฺฉปสฺส อุปริ อุทกํ ขิปิตฺวา สกฏฺฐานเมว อคมํสุ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา เทฺว มจฺฉา เทฺว ทหรภิกฺขู อเหสุํ, กจฺฉโป มหลฺลโก, อิมสฺส ปน การณสฺส ปจฺจกฺขการิกา คงฺคาตีเร นิพฺพตฺตรุกฺขเทวตา ปน อหเมวาติ ฯ คงฺเคยฺยชาตกํ ปญฺจมํ ฯ -------- ๖ กุรุงฺคมิคชาตกํ อิงฺฆ วทฺธมยํ ปาสนฺติ อิทํ สตฺถา เชตวเน วิหรนฺโต เทวทตฺตํ อารพฺภ กเถสิ ฯ ตทา หิ สตฺถา เทวทตฺโต วธาย ปริสกฺกตีติ สุตฺวา น ภิกฺขเว อิทาเนว เทวทตฺโต มยฺหํ วธาย ปริสกฺกติ, ปุพฺเพปิ ปริสกฺกติ เยวาติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต กุรุงฺคมิโค หุตฺวา อรญฺเญ เอกสฺส สรสฺส อวิทูเร เอกสฺมึ คุมฺเพ วาสํ กปฺเปสิ ฯ ตสฺเสว สรสฺส อวิทูเร เอกสฺมึ รุกฺขคฺเค สตปตฺโต นิสีทิ ฯ สรสฺมึ ปน กจฺฉโป วาสํ กปฺเปสิ ฯ เอวํ เต ตโยปิ สหายา อญฺญมญฺญํ ปิยสํวาสํ วสึสุ ฯ อเถโก มิคลุทฺทโก อรญฺเญ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๐๓. http://84000.org/tipitaka/read/attha_page.php?book=37&page=203&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=4005&modeTY=2&pagebreak=1 http://84000.org/tipitaka/atthapali/th_line.php?B=37&A=4005&modeTY=2&pagebreak=1#p203