อรรถกถาเล่มที่ ๓๗ หน้าที่ ๒๓๓.

หํสาทีนํ มํสานิ ลภิตฺวา กสฺมา มํ น สริสฺสติ เยวาติ อตฺโถ ฯ อสติ เยว ปาปิยาติ ยํ วา ตํ วา ลภิตฺวา สรณํ นาม สุนฺทรํ, โลกสฺมึ ปน อสติ เยว ปาปิยา, อสติการณํ ^๑- เยว หีนํ ลามกํ, ตญฺจ อมฺหากํ รญฺโญ นตฺถิ, สรติ มํ ราชา, อาคมนํ เม ปจฺจาสึสติ, ตสฺมา คมิสฺสามีติ ฯ ยานํ โยชาเปตฺวา คนฺตฺวา ราชานํ ปสฺสิ ฯ ราชา ตุสฺสิตฺวา ปุโรหิตฏฺฐาเน เยว ปติฏฺฐาเปสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา ราชา อานนฺโท อโหสิ, ปุโรหิโต ปน อหเมวาติ ฯ ปุณฺณนทีชาตกํ จตุตฺถํ ฯ ---------- ๕ กจฺฉปชาตกํ อวธิ วต อตฺตานนฺติ อิทํ สตฺถา เชตวเน วิหรนฺโต โกกาลิกํ อารพฺภ กเถสิ ฯ วตฺถุ มหาตกฺการิชาตเก อาวิภวิสฺสติ ฯ ตทา ปน สตฺถา น ภิกฺขเว โกกาลิโก อิทาเนว วาจาย หโต ปุพฺเพปิ วาจาย หโต เยวาติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต อมจฺจกุเล นิพฺพตฺติตฺวา วยปฺปตฺโต ตสฺส อตฺถธมฺมานุสาสโก @เชิงอรรถ: ^๑ อสรณนฺติปิ ฯ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๒๓๓. http://84000.org/tipitaka/read/attha_page.php?book=37&page=233&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=4601&modeTY=2&pagebreak=1 http://84000.org/tipitaka/atthapali/th_line.php?B=37&A=4601&modeTY=2&pagebreak=1#p233