อรรถกถาเล่มที่ ๓๗ หน้าที่ ๓๔๒.

ลาภา วต เม, สุลทฺธํ วต เม, ยฺวาหํ ^๑- อิธาคนฺตฺวา อปฺปมตฺตเกนปิ กมฺเมน ปฏิลทฺธา สมฺปตฺติโย อสฺโสสึ, อิโตทานิ ปฏฺฐาย มนุสฺสโลกํ คนฺตฺวา ทานาทีนิ กุสลกมฺมาเนว กริสฺสามีติ วตฺวา อิมํ อุทานํ อุทาเนสิ สฺวาคตํ วต เม อชฺช สุปฺปภาตํ สุหุฏฺฐิตํ, ยํ อทฺทสึ เทวตาโย อจฺฉรา กามวณฺณิโย, อิมาสาหํ ธมฺมํ สุตฺวาน ^๒- กาหามิ กุสลํ พหุํ ทาเนน สมจริยาย สญฺญเมน ทเมน จ, โสหํ ตตฺถ คมิสฺสามิ ยตฺถ คนฺตฺวา น โสจเรติ ฯ อถ นํ สตฺตาหจฺจเยน เทวราชา มาตลึ สงฺคาหกํ อาณาเปตฺวา รเถ นิสีทาเปตฺวา พาราณสิเมว เปเสสิ ฯ โส พาราณสึ คนฺตฺวา เทวโลเก อตฺตนา ทิฏฺฐการณํ มนุสฺสานํ อาจิกฺขิ ฯ ตโต ปฏฺฐาย เต มนุสฺสา สอุสฺสาหา ปุญฺญานิ กาตุํ มญฺญึสุ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา มุสิโล เทวทตฺโต อโหสิ, สกฺโก อนุรุทฺโธ, ราชา อานนฺโท, คุตฺติลคนฺธพฺโพ ปน อหเมวาติ ฯ คุตฺติลชาตกํ ตติยํ ฯ @เชิงอรรถ: ^๑ สฺวาหนฺติปิ ฯ ^๒ สุตฺวาติปิ ฯ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๓๔๒. http://84000.org/tipitaka/read/attha_page.php?book=37&page=342&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=6761&modeTY=2&pagebreak=1 http://84000.org/tipitaka/atthapali/th_line.php?B=37&A=6761&modeTY=2&pagebreak=1#p342