อรรถกถาเล่มที่ ๓๗ ภาษาบาลี อักษรไทย
ชา.อ.๓ ทุกนิปาตวณฺณนา
หน้าที่ ๗๓.

อนามตนฺติ เอตํ คุณชาตํ โลเก อมตภาวสาธนโต อมตํ นาม ฯ
     เอวํ โพธิสตฺโต ปิตาปุตฺตานํ ธมฺมํ เทเสตฺวา จตฺตาโร
พฺรหฺมวิหาเร ภาเวตฺวา พฺรหฺมโลกปรายโน อโหสิ ฯ สตฺถา อิมํ
ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ
สจฺจปริโยสาเน อุโภ ปิตาปุตฺตา โสตาปตฺติผเล ปติฏฺฐหึสุ ฯ ตทา
ปิตาปุตฺตา ว เอตรหิ ปิตาปุตฺตา อเหสุํ, ตาปโส ปน อหเมวาติ ฯ
                   อุปสาฬฺหชาตกํ ฉฏฺฐํ ฯ
                     ------------
                      ๗ สมิทฺธิชาตกํ
     อภุตฺวา ภิกฺขสิ ภิกฺขูติ อิทํ สตฺถา ราชคหํ อุปนิสฺสาย
ตโปทาราเม วิหรนฺโต สมิทฺธิตฺเถรํ อารพฺภ กเถสิ ฯ
     เอกทิวสํ หิ อายสฺมา สมิทฺธิตฺเถโร สพฺพรตฺตึ ปธานํ ปทหิตฺวา
อรุณุคฺคมนเวลาย นฺหาตฺวา สุวณฺณวณฺณํ อตฺตภาวํ สุกฺขาปยมาโน
อนฺตรวาสกํ นิวาเสตฺวา อุตฺตราสงฺคํ หตฺเถน คเหตฺวา อฏฺฐาสิ ฯ
สุปริกมฺมกตา วิย สุวณฺณปฏิมา อตฺตภาวสมิทฺธิยา เยว หิสฺส
สมิทฺธีติ นามํ อโหสิ ฯ อถสฺส สรีรโสภคฺคํ ทิสฺวา เอกา
เทวธีตา ปฏิพทฺธจิตฺตา เถรํ เอวมาห ตฺวํ โขสิ ภิกฺขุ ทหโร
ยุวา สุสุ กาฬเกโส ภทฺเทน โยพฺพเนน สมนฺนาคโต อภิรูโป ทสฺสนีโย
ปาสาทิโก, เอวรูปสฺส ตว กาเม อปริภุญฺชิตฺวา โก อตฺโถ


เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๗๓.
http://84000.org/tipitaka/read/attha_page.php?book=37&page=73&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=37&A=1451&modeTY=2&pagebreak=1
http://84000.org/tipitaka/atthapali/th_line.php?B=37&A=1451&modeTY=2&pagebreak=1#p73