อรรถกถาเล่มที่ ๓๗ ภาษาบาลี อักษรไทย
ชา.อ.๓ ทุกนิปาตวณฺณนา
หน้าที่ ๗๖.

การเณน ทหโรว สมาโน ปพฺพชิตฺวา สมณธมฺมํ กโรมีติ ฯ
     เทวธีตา โพธิสตฺตสฺส วจนํ สุตฺวา ตตฺเถว อนฺตรธายิ ฯ
     สตฺถา อิมํ ธมฺมเทสนํ อาหริตฺวา, ชาตกํ สโมธาเนสิ ฯ ตทา
เทวธีตา อยญฺจ เทวธีตา, อหเมว เตน สมเยน ตาปโส อโหสินฺติ ฯ
                    สมิทฺธิชาตกํ สตฺตมํ ฯ
                     ------------
                      ๘ สกุณคฺฆิชาตกํ
     เสโน พลสา ปตมาโนติ อิทํ สตฺถา เชตวเน วิหรนฺโต อตฺตโน
อชฺฌาสยํ สกุโณวาทสุตฺตํ อารพฺภ กเถสิ ฯ
     เอกทิวสํ หิ สตฺถา ภิกฺขู อามนฺเตตฺวา โคจเร ภิกฺขเว จรถ
สเก เปตฺติเก วิสเยติ อิมํ สํยุตฺตํ มหาวคฺเค สุตฺตนฺตํ กเถนฺโต
ตุมฺเห ตาว ติฏฺถ, ปุพฺเพปิ ติรจฺฉานคตาปิ สกํ วิสยํ ปหาย
อโคจเร จรนฺตา ปจฺจามิตฺตานํ หตฺถปถํ คนฺตฺวา อตฺตโน
ปญฺาสมฺปตฺติยา อุปายโกสลฺเลน ปจฺจามิตฺตานํ หตฺถา มุจฺจึสูติ วตฺวา
อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
ลาปสกุณโยนิยํ นิพฺพตฺติตฺวา นงฺคลกฏฺกรเณ เลฑฺฑุฏฺาเน วาสํ
กปฺเปสิ ฯ โส เอกทิวสํ สกวิสเย โคจรคหณํ ปหาย ปรวิสเย
โคจรํ คเหสฺสามีติ อฏวิปริยนฺตํ อคมาสิ ฯ อถ นํ ตตฺถ โคจรํ
ปริคฺคณฺหนฺตํ ทิสฺวา สกุณคฺฆิ สหสา อชฺฌปฺปตฺตา อคฺคเหสิ ฯ


เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๗๖.
http://84000.org/tipitaka/read/attha_page.php?book=37&page=76&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=37&A=1511&pagebreak=1
http://84000.org/tipitaka/atthapali/th_line.php?B=37&A=1511&pagebreak=1#p76