อรรถกถาเล่มที่ ๓๘ หน้าที่ ๑๓๙.

กติปาหจฺจเยน ปน โพธิสตฺโต อญฺญตฺถ คโต ฯ อญฺโญ จณฺฑมหิโส ตตฺถ อาคนฺตฺวา อฏฺฐาสิ ฯ ทุฏฺฐมกฺกโฏ โสเยว อยนฺติ สญฺญาย ตสฺส ปิฏฺฐึ อภิรูหิตฺวา ตเถว อนาจารํ จริ ฯ อถ นํ โส วิธูนนฺโต ภูมิยํ ปาเตตฺวา สิงฺเคน หทเย วิชฺฌิตฺวา ปาเทหิ มทฺทิตฺวา สญฺจุณฺเณสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ตทา ทุฏฺฐมหิโส อยํ ทุฏฺฐหตฺถี อโหสิ ทุฏฺฐมกฺกโฏ อยํ มกฺกโฏ สีลวา มหิสราชา ปน อหเมวาติ ฯ มหิสชาตกํ อฏฺฐมํ -------- สตปตฺตชาตกํ ยถา มาณวโก ปนฺเถติ อิทํ สตฺถา เชตวเน วิหรนฺโต ปณฺฑกโลหิตเก อารพฺภ กเถสิ ฯ ฉพฺพคฺคิยานํ หิ เทฺว ชนา เมตฺติยภุมฺมชกา ราชคหํ อุปนิสฺสาย วิหรึสุ ฯ เทฺว อสฺสชิปุนพฺพสุกา กิฏาคิรึ อุปนิสฺสาย วิหรึสุ ฯ ปณฺฑกโลหิตกา อิเม ปน เทฺว สาวตฺถึ อุปนิสฺสาย เชตวเน วิหรึสุ ฯ เต ธมฺเมน นีหฏํ อธิกรณํ อุกฺโกเฏนฺติ ฯ เยปิ เตสํ สนฺทิฏฺฐสมฺภตฺตา โหนฺติ เตสํ อุปตฺถมฺภกา หุตฺวา น อาวุโส ตุมฺเห เอเตหิ ชาติยา วา โคตฺเตน วา สีเลน วา วตฺตาทีหิ วา หีนตรา สเจ ตุมฺเห อตฺตโน คาหํ วิสชฺเชถ สุฏฺฐุตรํ โว เอเต อภิภวิสฺสนฺตีติ อาทีนิ วตฺวา คาหํ วิสชฺเชตุํ น เทนฺติ ฯ เตน

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๑๓๙. http://84000.org/tipitaka/read/attha_page.php?book=38&page=139&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=2891&modeTY=2&pagebreak=1 http://84000.org/tipitaka/atthapali/th_line.php?B=38&A=2891&modeTY=2&pagebreak=1#p139