อรรถกถาเล่มที่ ๓๘ หน้าที่ ๑๙๑.

ตตฺถ น ผาติ โหตีติ เอวรูปสฺส ปุคฺคลสฺส อิธโลเก วา ปรโลเก วา วุฑฺฒิ นาม น โหติ ฯ น จาปิ นนฺติ นํ ปุคฺคลํ ตสฺส สนฺตกํ รกฺขมานา เทวตา น ปูชยนฺติ ฯ อิติ เทวตา มิตฺตทุพฺภิโจรสฺส กหาปเณ น ทาเปตุกามา เอวมาห ฯ โพธิสตฺโต ปน น สกฺกา เอวํ กาตุนฺติ ตสฺสาปิ ปญฺจสตานิ เปเสสิเยว ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน วาณิโช โสตาปตฺติผเล ปติฏฺฐหิ ฯ ตทา กนิฏฺฐภาตา อิทานิ กูฏวาณิโช ฯ เชฏฺฐภาตา ปน อหเมวาติ ฯ มจฺฉทานชาตกํ อฏฺฐมํ --------- นานาฉนฺทชาตกํ นานาฉนฺทา มหาราชาติ อิทํ สตฺถา เชตวเน วิหรนฺโต อายสฺมโต อานนฺทสฺส อฏฺฐวรลาภํ อารพฺภ กเถสิ ฯ วตฺถุ เอกาทสนิปาเต ชุณฺหชาตเก อาวิภวิสฺสติ ฯ อตีเต ปน โพธิสตฺโต พาราณสิยํ พฺรหฺมทตฺเต รชฺชํ กาเรนฺเต ตสฺส อคฺคมเหสิยา กุจฺฉิมฺหิ นิพฺพตฺติตฺวา วยปฺปตฺโต ตกฺกสิลายํ สพฺพสิปฺปานิ อุคฺคณฺหิตฺวา ปิตุ อจฺจเยน รชฺชํ ปาปุณิ ฯ ตสฺส ฐานโต อปนีโต ปิตุ ปุโรหิโต อตฺถิ ฯ โส ทุคฺคโต หุตฺวา เอกสฺมึ ชรเคเห วสติ ฯ อเถกทิวสํ โพธิสตฺโต อญฺญาตกเวเสน

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๑๙๑. http://84000.org/tipitaka/read/attha_page.php?book=38&page=191&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=3979&modeTY=2&pagebreak=1 http://84000.org/tipitaka/atthapali/th_line.php?B=38&A=3979&modeTY=2&pagebreak=1#p191