อรรถกถาเล่มที่ ๓๘ หน้าที่ ๒๐๙.

อภูตคุณํ กเถตฺวา ชมฺพูปกฺกานิ ขาทนฺเต ทิสฺวา ตติยํ คาถมาห จิรสฺสํ วต ปสฺสามิ มุสาวาที สมาคเต วนฺตาทํ กุณปาทญฺจ อญฺญมญฺญํ ปสํสเกติ ฯ ตตฺถ วนฺตาทนฺติ ปเรสํ วนฺตภตฺตขาทกํ กากํ ฯ กุณปาทญฺจาติ กุณปขาทนกํ สิคาลญฺจ ฯ อิมญฺจปน คาถํ วตฺวา สา เทวตา เภรวรูปารมฺมณํ ทสฺเสตฺวา เต ตโต ปลาเปสีติ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิคาโล เทวทตฺโต อโหสิ กาโก โกกาลิโก รุกฺขเทวตา ปน อหเมวาติ ฯ ชมฺพูขาทกชาตกํ จตุตฺถํ ------- อนฺตชาตกํ อุสภสฺเสว เต ขนฺโธติ อิทํ สตฺถา เชตวเน วิหรนฺโต เตเยว เทฺว ชเน อารพฺภ กเถสิ ฯ ปจฺจุปฺปนฺนวตฺถุ ปุริมสทิสเมว ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต เอกสฺมึ คามุปจาเร เอรณฺฑรุกฺขเทวตา หุตฺวา นิพฺพตฺติ ฯ ตทา ตสฺมึ คาเม มตํ ชรควํ นิกฺกฑฺฒิตฺวา คามทฺวาเร เอรณฺฑวเน ฉฑฺเฑสุํ ฯ เอโก สิคาโล อาคนฺตฺวา ตสฺส มํสํ ขาทิ ฯ เอโก กาโก อาคนฺตฺวา เอรณฺเฑ นิสินฺโน ^๑- ตํ ทิสฺวา ยนฺนูนาหํ เอตสฺส @เชิงอรรถ: ^๑ นิลีโน ฯ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๐๙. http://84000.org/tipitaka/read/attha_page.php?book=38&page=209&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=4346&modeTY=2&pagebreak=1 http://84000.org/tipitaka/atthapali/th_line.php?B=38&A=4346&modeTY=2&pagebreak=1#p209