อรรถกถาเล่มที่ ๓๘ หน้าที่ ๒๖๓.

รตฺตึ ราชา โหหีติ อตฺตโน กณฺเฐ ปิลนฺธนํ ปุปฺผทามํ ตสฺส คีวายํ ปิลนฺธาเปตฺวา ตํ นครคุตฺติกํ อกาสิ ฯ อยํ นครคุตฺติกานํ กณฺเฐ รตฺตปุปฺผทามปิลนฺธนสฺส วํโส ฯ ตโต ปฏฺฐาย ราชา ตสฺโสวาเท ฐตฺวา อาจริยคารวํ กตฺวา นีเจ อาสเน นิสินฺโน มนฺเต อุคฺคณฺหิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ราชา อานนฺโท อโหสิ จณฺฑาลปุตฺโต ปน อหเมวาติ ฯ ฉวกชาตกํ นวมํ --------- สยฺหชาตกํ สสมุทฺทปริสาสนฺติ อิทํ สตฺถา เชตวเน วิหรนฺโต อุกฺกณฺฐิตภิกฺขุํ อารพฺภ กเถสิ ฯ โส หิ สาวตฺถิยํ ปิณฺฑาย จรนฺโต เอกํ อภิรูปํ อลงฺกตอิตฺถึ ทิสฺวา อุกฺกณฺฐิโต สาสเน นาภิรมิ ฯ อถ นํ ภิกฺขู ภควโต ทสฺเสสุํ ฯ โส ภควตา สจฺจํ กิร ตฺวํ ภิกฺขุ อุกฺกณฺฐิโตติ ปุฏฺโฐ สจฺจนฺติ วตฺวา โก ตํ อุกฺกณฺฐาเปสีติ วุตฺเต ตมตฺถํ อาโรเจสิ ฯ สตฺถา กสฺมา ตฺวํ เอวรูเป นิยฺยานิเก สาสเน ปพฺพชิตฺวา อุกฺกณฺฐสิ ปุพฺเพ ปณฺฑิตา ปุโรหิตฏฺฐานํ ลภนฺตาปิ ตํ ปฏิกฺขิปิตฺวา ปพฺพชึสูติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ปุโรหิตสฺส พฺราหฺมณิยา กุจฺฉิสฺมึ ปฏิสนฺธึ คเหตฺวา รญฺโญ ปุตฺเตน สทฺธึ เอกทิวสํ วิชายิ ฯ ราชา อตฺถิ นุโข เม โกจิ ปุตฺเตน

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๖๓. http://84000.org/tipitaka/read/attha_page.php?book=38&page=263&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=5466&modeTY=2&pagebreak=1 http://84000.org/tipitaka/atthapali/th_line.php?B=38&A=5466&modeTY=2&pagebreak=1#p263