อรรถกถาเล่มที่ ๓๘ หน้าที่ ๒๙.

ตนุกสฺส ภวนฺติ เวทนา สณิกํ ชีรติ อายุ ปาลยนฺติ เอวํ วณฺณิตา มตฺตญฺญุตาปิ สาธุ ฯ กนฺตาเร ปุตฺตมํสํว อกฺขสฺสพฺภญฺชนํ ยถา เอวํ อาหาริ อาหารํ ยาปนตฺถาย อมุจฺฉิโตติ เอวํ วณฺณิตา อคิทฺธิตาปิ สาธุ ฯ ปาลิยํ ปน อคิทฺธิมาติ ลิขิตํ ฯ ตโต อยํ อฏฺฐกถาปาโฐ สุนฺทรตโร ฯ อมตฺตญฺญู หิ สีทนฺตีติ โภชเน ปมาณํ อชานนฺตา หิ รสตณฺหาวเสน ปาปกมฺมํ กตฺวา จตูสุ อปาเยสุ สีทนฺติ ฯ มตฺตญฺญูว น สีทเรติ เย ปน โภชเน ปมาณํ ชานนฺติ เต ทิฏฺฐธมฺเมปิ สมฺปราเยปิ น สีทนฺตีติ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน พหู โสตาปนฺนาปิ สกทาคามิโนปิ อนาคามิโนปิ อรหนฺโตปิ อเหสุํ ฯ ตทา โภชเน อมตฺตญฺญู ภิกฺขุ สุกราชปุตฺโต อโหสิ ฯ สุกราชา ปน อหเมวาติ ฯ สุกชาตกํ ปญฺจมํ --------- ชรูทปานชาตกํ ชรูทปานํ ขณมานาติ อิทํ สตฺถา เชตวเน วิหรนฺโต สาวตฺถีวาสิโน วาณิเช อารพฺภ กเถสิ ฯ เต กิร สาวตฺถิยํ ภณฺฑํ คเหตฺวา สกฏานิ ปูเรตฺวา โวหารตฺถาย คมนกาเล ตถาคตํ นิมนฺเตตฺวา มหาทานํ ทตฺวา สรณานิ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๙. http://84000.org/tipitaka/read/attha_page.php?book=38&page=29&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=586&modeTY=2&pagebreak=1 http://84000.org/tipitaka/atthapali/th_line.php?B=38&A=586&modeTY=2&pagebreak=1#p29