อรรถกถาเล่มที่ ๓๘ หน้าที่ ๓๒.

ขณเนน ธนํ ลทฺธํ อติกฺขาเตน นาสิตนฺติ ฯ ตตฺถ อยนฺติ กาฬโลหํ ฯ โลหนฺติ ตมฺพโลหํ ฯ มุตฺตาติ มุตฺตาทโย ฯ เต จ เตน อสนฺตุฏฺฐาติ เต จ วาณิชา เตน ธเนน อสนฺตุฏฺฐา ฯ เต ตตฺถาติ เต วาณิเช ตสฺมึ อุทกปาเน ฯ เตชสีติ วิสเตเชน สมนฺนาคโต ฯ เตชสา หนีติ วิสเตเชน ฆาเตสิ ฯ อติกฺขาเตน นาสิตนฺติ อติกฺขณเนน ตญฺจ ธนํ ชีวิตญฺจ นาสิตํ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา นาคราชา สารีปุตฺโต อโหสิ สตฺถวาหเชฏฺฐโก ปน อหเมวาติ ฯ ชรูทปานชาตกํ ฉฏฺฐํ -------- คามณิจนฺทชาตกํ นายํ ฆรานํ กุสโลติ อิทํ สตฺถา เชตวเน วิหรนฺโต ปญฺญาปสํสนํ อารพฺภ กเถสิ ฯ ธมฺมสภายํ หิ ภิกฺขู ทสพลสฺส ปญฺญํ ปสํสนฺตา นิสีทึสุ อาวุโส ตถาคโต มหาปญฺโญ ปุถุปญฺโญ หาสปญฺโญ ชวนปญฺโญ ติกฺขปญฺโญ นิพฺเพธิกปญฺโญ สเทวกํ โลกํ ปญฺญาย อติกฺกมตีติ ฯ สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมาย นามาติ วุตฺเต น ภิกฺขเว อิทาเนว ปุพฺเพปิ ตถาคโต ปญฺญวาเยวาติ วตฺวา อตีตํ อาหริ ฯ อตีเต พาราณสิยํ ชนสนฺโธ นาม ราชา รชฺชํ กาเรสิ ฯ โพธิสตฺโต ตสฺส อคฺคมเหสิยา กุจฺฉิมฺหิ นิพฺพตฺติ ฯ ตสฺส มุขํ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๓๒. http://84000.org/tipitaka/read/attha_page.php?book=38&page=32&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=649&modeTY=2&pagebreak=1 http://84000.org/tipitaka/atthapali/th_line.php?B=38&A=649&modeTY=2&pagebreak=1#p32