อรรถกถาเล่มที่ ๓๘ หน้าที่ ๓๒๕.

อสฺสทฺโธ อกตญฺญู จ สนฺธิจฺเฉโท จ โย นโร หตาวกาโส วนฺตาโส สเว อุตฺตมโปริโสติ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สีโห อหเมวาติ ฯ ททฺธภายชาตกํ ทุติยํ ---------- พฺรหฺมทตฺตชาตกํ ทฺวยํ ยาจนโก ราชาติ อิทํ สตฺถา อาฬวึ นิสฺสาย อคฺคาฬวเจติเย วิหรนฺโต กุฏิการสิกฺขาปทํ อารพฺภ กเถสิ ฯ วตฺถุ เหฏฺฐา มณิกฺขนฺธชาตเก ^๑- อาคตเมว ฯ อิธ ปน สตฺถา สจฺจํ กิร ตุมฺเห ภิกฺขเว ยาจนพหุลา วิญฺญตฺติพหุลา วิหรถาติ วตฺวา อาม ภนฺเตติ วุตฺเต เต ภิกฺขู วิครหิตฺวา ภิกฺขเว โปราณกปณฺฑิตา ปฐวิสฺสเรน รญฺญา ปวาริตาปิ ปณฺณจฺฉตฺตญฺจ เอกํ จ เอกปฏลิกํ อุปาหนยุคํ ยาจิตุกามา หิโรตฺตปฺปโรทภเยน ^๒- มหาชนมชฺเฌ อกเถตฺวา รโห กถยึสูติ วตฺวา อตีตํ อาหริ ฯ อตีเต กปิลรฏฺเฐ อุตฺตรปญฺจาลนคเร ปญฺจาลราเช รชฺชํ กาเรนฺเต โพธิสตฺโต เอกสฺมึ นิคมคาเม พฺราหฺมณกุเล นิพฺพตฺติตฺวา วยปฺปตฺโต ตกฺกสิลํ คนฺตฺวา สพฺพสิปฺปานิ อุคฺคณฺหิตฺวา อปรภาเค ตาปสปพฺพชฺชํ ปพฺพชิตฺวา หิมวนฺเต อุญฺฉาจริยาย @เชิงอรรถ: ^๑ มณิกณฺฐชาตเก ฯ ^๒ หิโรตฺตปฺปเภทภเยน ฯ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๓๒๕. http://84000.org/tipitaka/read/attha_page.php?book=38&page=325&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=6747&modeTY=2&pagebreak=1 http://84000.org/tipitaka/atthapali/th_line.php?B=38&A=6747&modeTY=2&pagebreak=1#p325