อรรถกถาเล่มที่ ๓๘ หน้าที่ ๔๗๐.

สมคฺควาสํ วสนฺตํ มํ สิคาลสฺส กถํ คเหตฺวา ตฺวํ ทุพฺภสิ หนิตุํ อิจฺฉสิ อิโตทานิ ปฏฺฐาย อหํ ตยา สทฺธึ วาสํ น อภิโรจเย ฯ ยถาตถนฺติ ตตฺตโต ยถาตถํ ยถาตจฺฉํ อวิสํวาทเกน อริเยน วุตฺตํ วจนํ สทฺธายิตพฺพํ ฯ เอวํ โย เยสญฺจ เตสญฺจ ปเรสํ วจนานิ สทฺทเหถาติ อตฺโถ ฯ โย สทา อปฺปมตฺโตติ โย นิจฺจํ อปฺปมตฺโต หุตฺวา มิตฺตสฺส วิสฺสาสํ น เทติ โส มิตฺโต นาม น โหตีติ อตฺโถ ฯ เภทาสงฺกีติ อชฺช ภิชฺชิสฺสติ เสฺว ภิชฺชิสฺสตีติ เอวํ มิตฺตสฺส เภทเมว อาสงฺกติ ฯ รนฺธเมวานุปสฺสีติ ฉิทฺทํ วิวรเมว ปสฺสนฺโต ฯ อุรสีว ปุตฺโตติ ยสฺมึ มิตฺเต มาตุ หทเย ปุตฺโต วิย นิราสงฺโก นิพฺภโย เสติ ฯ อิติ อิมาหิ จตูหิ คาถาหิ สีเหน มิตฺตคุเณ กถิเต พฺยคฺโฆ มยฺหํ โทโสติ สีหํ ขมาเปสิ ฯ เต ตเถว สมคฺควาสํ วสึสุ ฯ สิคาโล ปน ปลายิตฺวา อญฺญตฺถ คโตติ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา สิคาโล วิฆาสาโท อโหสิ สีโห สารีปุตฺโต พฺยคฺโฆ โมคฺคลฺลาโน ตํ การณํ ปจฺจกฺขโต ทิสฺวา ตสฺมึ วเน นิวุฏฺฐรุกฺขเทวตา ปน อหเมวาติ ฯ วณฺณาโรหชาตกํ ปฐมํ -------- สีลวีมํสชาตกํ สีลํ เสยฺโยติ อิทํ สตฺถา เชตวเน วิหรนฺโต เอกํ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๔๗๐. http://84000.org/tipitaka/read/attha_page.php?book=38&page=470&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=9756&modeTY=2&pagebreak=1 http://84000.org/tipitaka/atthapali/th_line.php?B=38&A=9756&modeTY=2&pagebreak=1#p470