อรรถกถาเล่มที่ ๓๘ หน้าที่ ๕๐๖.

อุตฺตมํ วา สพฺพํ อธียิตพฺพเมวาติ ทีเปติ ฯ น จ สพฺพํ ปโยชเยติ หีนํ มนฺตํ วา สิปฺปํ วา มชฺฌิมํ วา น ปโยชเย อุตฺตมเมว ปโยเชยฺยาติ อตฺโถ ฯ ยตฺถ อตฺถาวหํ สุตนฺติ ยสฺมึ กาเล มโหสถปณฺฑิตสฺส กุมฺภการกมฺมกรณํ วิย ยํกิญฺจิ สิกฺขิตสิปฺปํ อตฺถาวหํ โหติ ตาทิโสปิ กาโล โหติเยวาติ อตฺโถ ฯ อปรภาเค รญฺโญ อจฺจเยน กุมาโร รชฺเช ปติฏฐาสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ทิสาปาโมกฺโข อาจริโย ปน อหเมวาติ ฯ มูสิกชาตกํ ตติยํ --------- จุลฺลธนุคฺคหชาตกํ สพฺพํ ภณฺฑนฺติ อิทํ สตฺถา เชตวเน วิหรนฺโต ปุราณทุติยิกาย ปโลภนํ (ภิกฺขุํ) อารพฺภ กเถสิ ฯ เกน ภิกฺขุ อุกฺกณฺฐาปิโตติ วุตฺเต ปุราณทุติยิกาย ภนฺเตติ วุตฺเต สตฺถา เอสา ภิกฺขุ อิตฺถี น อิทาเนว ตุยฺหํ อนตฺถการิกา ปุพฺเพปิ เต เอตํ นิสฺสาย อสินา สีสํ ฉินฺนนฺติ วตฺวา ภิกฺขูหิ ยาจิโต อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต สกฺโก อโหสิ ฯ ตทา เอโก พาราณสีวาสี พฺราหฺมณมาณโว ตกฺกสิลายํ สพฺพสิปฺปานิ อุคฺคณฺหิตฺวา ธนุกมฺเม นิปฺผตฺตึ ปตฺโต จุลฺลธนุคฺคหปณฺฑิโต นาม อโหสิ ฯ อถสฺส อาจริโย อยํ มยา

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๕๐๖. http://84000.org/tipitaka/read/attha_page.php?book=38&page=506&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=10503&modeTY=2&pagebreak=1 http://84000.org/tipitaka/atthapali/th_line.php?B=38&A=10503&modeTY=2&pagebreak=1#p506