อรรถกถาเล่มที่ ๓๘ หน้าที่ ๕๗.

ราชา โพธิสตฺตสฺส โอวาเท ฐตฺวา ทานาทีนิ ปุญฺญานิ กตฺวา สคฺคปูรํ ปูเรสิ ฯ โพธิสตฺโตปิ อภิญฺญา จ สมาปตฺติโย จ อุปฺปาเทตฺวา พฺรหฺมโลกปรายโน อโหสิ ฯ สตฺถา โปราณกปณฺฑิตาปิ อุปการวเสน กรึสูติ อิมํ ธมฺมเทสนํ อาหริตฺวา ชาตกํ สโมธาเนสิ ตทา ราชา อานนฺโท อโหสิ ตาปโส ปน อหเมวาติ ฯ ติริติวจฺฉชาตกํ นวมํ -------- ทูตชาตกํ ยสฺสตฺถา ทูรมายนฺตีติ อิทํ สตฺถา เชตวเน วิหรนฺโต เอกํ โลลภิกฺขุํ อารพฺภ กเถสิ ฯ วตฺถุ นวกนิปาเต กากชาตเก อาวิภวิสฺสติ ฯ สตฺถา ปน ตํ ภิกฺขุํ อามนฺเตตฺวา นโข ภิกฺขุ อิทาเนว ปุพฺเพปิ ตฺวํ โลโล โลลฺยการเณน ปน อสินา สีสจฺเฉทํ ลภสีติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ตสฺส ปุตฺโต หุตฺวา วยปฺปตฺโต ตกฺกสิลายํ สพฺพสิปฺปานิ อุคฺคณฺหิตฺวา ปิตุ อจฺจเยน รชฺเช ปติฏฺฐาย โภชนสุทฺธิโก อโหสิ ฯ เตนสฺส โภชนสุทฺธิกราชาเตฺวว นามํ ชาตํ ฯ โส กิร ตถารูเป วิธาเน ฐตฺวา ตํ ภตฺตํ ภุญฺชติ ยโต ตสฺส เอกิสฺสา ภตฺตปาฏิยา สตสหสฺสคฺฆวโย โหติ ฯ ภุญฺชนฺโต ปน อนฺโตเคเห น ภุญฺชติ อตฺตโน โภชนวิธานํ โอโลเกนฺตํ มหาชนํ ปุญฺญานิ กาเรตุกามตาย ราชทฺวาเร

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๕๗. http://84000.org/tipitaka/read/attha_page.php?book=38&page=57&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=1174&modeTY=2&pagebreak=1 http://84000.org/tipitaka/atthapali/th_line.php?B=38&A=1174&modeTY=2&pagebreak=1#p57