อรรถกถาเล่มที่ ๓๘ หน้าที่ ๑๔.

ปริวาเรตฺวา ิตา อมจฺจาปิ ตสฺส กถํ สุตฺวา สจฺจํ เทว อิทํ อิสฺสริยํ ตุมฺหากํ อาจริยสฺส สนฺตกนฺติ อาหํสุ ฯ ตสฺมึ ขเณ ราชา อาจริยสฺส คุณํ สลฺลกฺเขตฺวา สพฺพํ อิสฺสริยํ เต อาจริย ทมฺมิ รชฺชํ สมฺปฏิจฺฉาติ อาห ฯ อาจริโย น เม มหาราช รชฺเชนตฺโถติ ปฏิกฺขิปิ ฯ ราชา ตกฺกสิลํ เปเสตฺวา อาจริยสฺส ปุตฺตทารํ อานาเปตฺวา มหนฺตํ อิสฺสริยํ ทตฺวา ตเมว ปุโรหิตํ กตฺวา ปิตุฏฺาเน เปตฺวา ตสฺส โอวาเท ิโต ทานาทีนิ ปุญฺานิ กตฺวา สคฺคปรายโน อโหสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โกธโน ภิกฺขุ อนาคามิผเล ปติฏฺหิ ฯ อญฺเ โสตาปนฺนา สกทาคามิโน จ อเหสุํ ฯ ตทา ราชา โกธโน ภิกฺขุ อโหสิ ฯ อาจริโย ปน อหเมว สมฺมาสมฺพุทฺโธติ ฯ ติลมุฏฺิชาตกํ ทุติยํ ------- มณิกณฺชาตกํ มมนฺนปานนฺติ อิทํ สตฺถา อาฬวึ นิสฺสาย อคฺคาฬเว เจติเย วิหรนฺโต กุฏิการสิกฺขาปทํ อารพฺภ กเถสิ ฯ อาฬวิกา หิ ภิกฺขู สญฺาจิกาย กุฏิกาโย การยมานา ยาจนพหุลา วิญฺตฺติพหุลา วิหรึสุ ปุริสํ เทถ ปุริสตฺถกรํ เทถาติ อาทีนิ วทนฺติ ฯ มนุสฺสา อุปทฺทุตา ยาจนาย อุปทฺทุตา วิญฺตฺติยา ภิกฺขุํ ทิสฺวา อุพฺพิชฺชึสุปิ อุตฺราสึสุปิ ปลายึสุปิ ฯ อถ อายสฺมา

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๑๔. http://84000.org/tipitaka/read/attha_page.php?book=38&page=14&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=272&pagebreak=1 http://84000.org/tipitaka/atthapali/th_line.php?B=38&A=272&pagebreak=1#p14