บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๘ ภาษาบาลี อักษรไทย ชา.อ.๔ ติก-ปญฺจกนิปาต หน้าที่ ๒๙๙.
นิสฺโสกภาวกรปณฺฑิโต อหเมวาติ ฯ มตโรทนชาตกํ สตฺตมํ ------------- กณวีรชาตกํ ยนฺตํ วสนฺตสมเยติ อิทํ สตฺถา เชตวเน วิหรนฺโต ปุราณทุติยิกาย ปโลภนํ อารพฺภ กเถสิ ฯ วตฺถุ อินฺทฺริยชาตเก อาวิภวิสฺสติ ฯ สตฺถา ปน ตํ ภิกฺขุํ ปุพฺเพ ตฺวํ ภิกฺขุ เอตํ นิสฺสาย อสินา สีสจฺเฉทํ ปฏิลภสีติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต กาสิกคาเม เอกสฺส คหปติกสฺส ฆเร โจรนกฺขตฺเตน ชาโต วยปฺปตฺโต โจรกมฺมํ กตฺวา ชีวิตํ กปฺเปนฺโต โลเก ปากโฏ อโหสิ สูโร นาคพโล ฯ โกจิ ตํ คณฺหิตุํ นาสกฺขิ ฯ โส เอกทิวสํ เอกสฺมึ เสฏฺฐิฆเร ฆรสนฺธึ ฉินฺทิตฺวา พหุธนํ อาหริ ฯ นาครา ราชานํ อุปสงฺกมิตฺวา เทว เอโก มหาโจโร นครํ วิลุมฺปติ ตํ คณฺหาเปถาติ วทึสุ ฯ ราชา ตสฺส คหณตฺถาย นครคุตฺติกํ อาณาเปสิ ฯ โส รตฺติภาเค ตตฺถ ตตฺถ วคฺคพนฺเธน มนุสฺเส ฐเปตฺวา ตํ สโหฒํ ๑- คณฺหาเปตฺวา รญฺโญ อาโรเจสิ ฯ ราชา สีสมสฺส ฉินฺทาติ นครคุตฺติกญฺเญว อาณาเปสิ ฯ นครคุตฺติโก ตํ ปจฺฉาพาหุํ พาฬฺหํ พนฺธนํ พนฺธาเปตฺวา คีวายสฺส รตฺตกณวีรมาลํ @เชิงอรรถ: ๑ สโภคํ ฯเนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๒๙๙. http://84000.org/tipitaka/read/attha_page.php?book=38&page=299&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=6219&modeTY=2&pagebreak=1 http://84000.org/tipitaka/atthapali/th_line.php?B=38&A=6219&modeTY=2&pagebreak=1#p299
จบการแสดงผล หน้าที่ ๒๙๙.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]