อรรถกถาเล่มที่ ๓๘ หน้าที่ ๗.

สพฺพานิ องฺคานิ ปริทหนสมตฺเถน มหาราช เตนมฺหิ กิเลสกณฺเฑน หทเย วิทฺโธ วิทฺธกาลโต ปฏฺาย มม อคฺคิปทิตฺตานิว สพฺพานิ องฺคานิ ทยฺหนฺตีติ ทสฺเสติ ฯ อาเวธญฺจ น ปสฺสามีติ วิทฺธฏฺานญฺจ น ปสฺสามิ ฯ ยโต รุหิรมสฺสเวติ ยโต เม อาเวธา โลหิตํ ปคฺฆเรยฺย ตํ น ปสฺสามีติ อตฺโถ ฯ ยาว อโยนิโส จิตฺตนฺติ เอตฺถ ยาวาติ ทฬฺหฏฺเ นิปาโต อติวิย ทฬฺหํ กตฺวา อโยนิโส จิตฺตํ วิทฺธนฺติ อตฺโถ ฯ สยํ เม ทุกฺขมาภตนฺติ อตฺตนาว มยา อตฺตโน ทุกฺขํ อานีตนฺติ ฯ เอวํ โพธิสตฺโต อิมาหิ ตีหิ คาถาหิ รญฺโ ธมฺมํ เทเสตฺวา ราชานํ ปณฺณสาลาโต พหิ กตฺวา กสิณปริกมฺมํ กตฺวา นฏฺชฺฌานํ อุปฺปาเทตฺวา ปณฺณสาลาย นิกฺขมิตฺวา อากาเส นิสินฺโน ราชานํ โอวทิตฺวา มหาราช อหํ หิมวนฺตเมว คมิสฺสามีติ วตฺวา น สกฺกา ภนฺเต คนฺตุนฺติ วุจฺจมาโนปิ มหาราช มยา อิธ วสนฺเตน เอวรูโป วิปฺปกาโร ปตฺโต อิทานิ น สกฺกา อิเธว วสิตุนฺติ รญฺโ ยาจนฺตสฺเสว อากาเส อุปฺปติตฺวา หิมวนฺตํ คนฺตฺวา ยาวตายุกํ ตฺวา ชีวิตปริโยสาเน พฺรหฺมโลกุปโค อโหสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน อุกฺกณฺิตภิกฺขุ อรหตฺเต ปติฏฺาสิ ฯ เกจิ โสตาปนฺนา เกจิ สกทาคามิโน เกจิ อนาคามิโน อเหสุํ ตทา ราชา อานนฺโท อโหสิ ตาปโส ปน อหเมวาติ ฯ สงฺกปฺปราคชาตกํ ปมํ

เนื้อความอรรถกถาฉบับภาษาบาลี อักษรไทย เล่มที่ ๓๘ หน้าที่ ๗. http://84000.org/tipitaka/read/attha_page.php?book=38&page=7&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=38&A=126&pagebreak=1 http://84000.org/tipitaka/atthapali/th_line.php?B=38&A=126&pagebreak=1#p7