อรรถกถาเล่มที่ ๓๙ หน้าที่ ๑๒๘.

ตตฺถ นิหียตีติ ภิกฺขเว หีนเสวี นาม มโนชสีโห วิย นิหียติ ปริหายติ วินาสํ ปาปุณาติ ฯ ตุลฺยเสวีติ สีลาทีหิ อตฺตนา สทิสํ เสวมาโน น หายติ วุฑฺฒิเยว ปนสฺส โหติ ฯ เสฏฺฐมุปคมนฺติ สีลาทีหิ อุตฺตริตรํเยว อุปคจฺฉนฺโตเยว ฯ อุเทติ ขิปฺปนฺติ สีฆเมว สีลาทีหิ คุเณหิ อุปคจฺฉติ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ สจฺจปริโยสาเน วิปกฺขเสวโก ภิกฺขุ โสตาปตฺติผเล ปติฏฺฐหิ ฯ ตทา สิคาโล เทวทตฺโต อโหสิ มโนโช วิปกฺขเวสโก ภคินี อุปฺปลวณฺณา ภริยา เขมา ภิกฺขุนี มาตา ราหุลมาตา ปิตา ปน อหเมวาติ ฯ มโนชชาตกํ ทุติยํ ฯ สุตนชาตกํ ราชา เต ภตฺตนฺติ อิทํ สตฺถา เชตวเน วิหรนฺโต มาตุโปสก- ภิกฺขุํ อารพฺภ กเถสิ ฯ วตฺถุํ สามชาตเก อาวีภวิสฺสติ ฯ อิธ ปน อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ทุคฺคตคหปติกุเล นิพฺพตฺติ ฯ สุตโนติสฺส นามํ อกํสุ ฯ โส วยปฺปตฺโต ภตึ กตฺวา มาตาปิตโร โปเสตฺวา ปิตริ กาลกเต มาตรํ โปเสติ ฯ ตสฺมึ ปน กาเล พาราณสีราชา มิคจิตฺตโก อโหสิ ฯ โส เอกทิวสํ มหนฺเตน ปริวาเรน โยชนมตฺตํ อรญฺญํ ปวิสิตฺวา ยสฺส ฐิตฏฺฐาเนน มิโค ปลายติ โส อิมํ นาม

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๑๒๘. http://84000.org/tipitaka/read/attha_page.php?book=39&page=128&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=2528&modeTY=2&pagebreak=1 http://84000.org/tipitaka/atthapali/th_line.php?B=39&A=2528&modeTY=2&pagebreak=1#p128