อรรถกถาเล่มที่ ๓๙ หน้าที่ ๒๓๓.

สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา โกรพฺยราชา อานนฺโท อโหสิ ธูมการี ปเสนทิโกสโล วิธูรปณฺฑิโต ปน อหเมวาติ ฯ ธูมการิชาตกํ อฏฺฐมํ ฯ ชาครชาตกํ โกธ ชาครตํ สุตฺโตติ อิทํ สตฺถา เชตวเน วิหรนฺโต อญฺญตรํ อุปาสกํ อารพฺภ กเถสิ ฯ โส หิ โสตาปนฺโน อริยสาวโก สาวตฺถิโต สกฏสตฺเถน สทฺธึ กนฺตารมคฺคํ ปฏิปชฺชิ ฯ สตฺถวาโห ตตฺเถกสฺมึ อุทกผาสุกฏฺฐาเน ปญฺจ สกฏสตานิ โมเจตฺวา ขาทนียํ โภชนียํ สํวิทหิตฺวา วาสํ อุปคจฺฉิ ฯ เต มนุสฺสา ตตฺถ ตตฺถ นิปชฺชิตฺวา สุปึสุ ฯ อุปาสโก ปน สตฺถวาหสฺส สนฺติเก เอกสฺมึ รุกฺขมูเล จงฺกมํ อธิฏฺฐาสิ ฯ อถ ตํ สตฺถํ วิลุมฺปิตุกามา ปญฺจสตา โจรา นานาวุธานิ คเหตฺวา สตฺถํ ปริวาเรตฺวา อฏฺฐํสุ ฯ เต ตํ อุปาสกํ จงฺกมนฺตํ ทิสฺวา อิมสฺส นิทฺทายนกาเล วิลุมฺปิสฺสามาติ ตตฺถ ตตฺถ อฏฺฐํสุ ฯ โสปิ ติยามรตฺตึ จงฺกมิเยว ฯ โจรา ปจฺจูสสมเย คหิตปาสาณมุคฺคราทโย ฉฑฺเฑตฺวา โภ สตฺถวาห อิมํ อปฺปมาเทน ชาครนฺตํ ปุริสํ นิสฺสาย ชีวิตํ ลภิตฺวา ตว สนฺตกสฺส สามิโก ชาโตติ เอตสฺส สกฺการํ กเรยฺยาสีติ วตฺวา ปกฺกมึสุ ฯ มนุสฺสา กาลสฺเสว วุฏฺฐาย เตหิ

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๒๓๓. http://84000.org/tipitaka/read/attha_page.php?book=39&page=233&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=4682&modeTY=2&pagebreak=1 http://84000.org/tipitaka/atthapali/th_line.php?B=39&A=4682&modeTY=2&pagebreak=1#p233