อรรถกถาเล่มที่ ๓๙ หน้าที่ ๙๔.

ตมฺหา ฐานา ปลายิ ฯ โพธิสตฺโต สปฺปสฺส สรีรํ ทณฺฑเกน เวฐิตฺวา วมฺมิกํ ขิปิ สุวณฺณกกฺกฏกํ โสพฺเภ วิสฺสชฺเชตฺวา นหาตฺวา หลินฺทิยคามเมว คโต ฯ ตโต ปฏฺฐายปิสฺส กกฺกฏเกน สทฺธึ อธิกตโร วิสฺสาโส อโหสิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนนฺโต โอสานคาถมาห กาโก ตทา เทวทตฺโต อโหสิ วารโณ ปน กณฺหสปฺโป อโหสิ อานนฺทภโทฺร กกฺกฏโก อโหสิ อหํ ตทา พฺราหฺมโณ โหมิ สตฺถาติ ฯ สจฺจปริโยสาเน พหู โสตาปนฺนาทโย อเหสุํ ฯ กากี ปน คาถาย น วุตฺตา ฯ สา จิญฺจมาณวิกา อโหสีติ ฯ สุวณฺณกกฺกฏกชาตกํ จตุตฺกํ ฯ มยฺหกสกุณชาตกํ สกุโณ มยฺหโก นามาติ อิทํ สตฺถา เชตวเน วิหรนฺโต อาคนฺตุกเสฏฺฐึ อารพฺภ กเถสิ ฯ สาวตฺถิยํ หิ อาคนฺตุกเสฏฺฐี นาม อฑฺโฒ อโหสิ มหทฺธโน ฯ โส เนว อตฺตนา โภเค ภุญฺชิ น ปเรสํ อทาสิ ฯ นานคฺครเส ปณีตโภชเน อุปนีเต ตํ น ภุญฺชิ พิลงฺคทุติยํ กาณาชิกเมว ภุญฺชิ ธูปิตวาสิเตสุ กาสิกวตฺเถสุ อุปนีเตสุ ตานิ หาเรตฺวา

เนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๙๔. http://84000.org/tipitaka/read/attha_page.php?book=39&page=94&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=1862&modeTY=2&pagebreak=1 http://84000.org/tipitaka/atthapali/th_line.php?B=39&A=1862&modeTY=2&pagebreak=1#p94