บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๙ ภาษาบาลี อักษรไทย ชา.อ.๕ ฉกฺก-ทสกนิปาต หน้าที่ ๒๓๖.
นิทฺทิฏฺฐทิยฑฺฒสหสฺสโลภสงฺขาโต ราโค จ นวาฆาตวตฺถุสมุฏฺฐาโน โทโส จ ทุกฺขาทีสุ อฏฺฐสุ วตฺถูสุ อญาณภูตา อวิชฺชา จาติ อิเม กิเลสา วิราชิตา ปหีนา เตสุ อริเยสุ สพฺพากาเรน ชาครมาเนสุ เต อุปาทาย อหํ สุตฺโต นาม เทวเตติ อตฺโถ ฯ เอวํ ชาครตนฺติ เอวํ เทวเต อหํ อิมินา การเณน ชาครตํ สุตฺโต นามาติ ฯ เอส นโย สพฺพตฺถ ปเทสุ ฯ เอวํ มหาสตฺเตน ปญฺเห กถิเต ตุฏฺฐา เทวตา ตสฺส ถุตึ กโรนฺตี โอสานคาถมาห สาธุ ชาครตํ สุตฺโต สาธุ สุตฺเตสุ ชาคโร สาธุ เมตํ วิชานาสิ สาธุ ปฏิภณาสิ เมติ ฯ ตตฺถ สาธูติ สาธุ ลทฺธกํ กตฺวา ตฺวํ อิมํ ปญฺหํ กเถสิ มยํปิ นํ เอวเมว กเถมาติ ฯ เอวํ สา โพธิสตฺตสฺส ถุตึ กตฺวา อตฺตโน วิมานเมว ปาวิสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา เทวตา อุปฺปลวณฺณา อโหสิ ตาปโส ปน อหเมวาติ ฯ ชาครชาตกํ นวมํ ฯเนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๒๓๖. http://84000.org/tipitaka/read/attha_page.php?book=39&page=236&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=4743&modeTY=2&pagebreak=1 http://84000.org/tipitaka/atthapali/th_line.php?B=39&A=4743&modeTY=2&pagebreak=1#p236
จบการแสดงผล หน้าที่ ๒๓๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]