บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๓๙ ภาษาบาลี อักษรไทย ชา.อ.๕ ฉกฺก-ทสกนิปาต หน้าที่ ๔๗๗.
ปุพฺเพปิ อกตญฺญูเยวาติ วตฺวา ชาตกํ สโมธาเนสิ ตทา สาโข เทวทตฺโต อโหสิ โปติโก อานนฺโท นิโคฺรโธ ปน อหเมวาติ ฯ นิโคฺธชาตกํ สตฺตมํ ฯ ตกฺกลชาตกํ น ตกฺกลา สนฺตีติ อิทํ สตฺถา เชตวเน วิหรนฺโต เอกํ ปิตุโปสกํ อารพฺภ กเถสิ ฯ โส กิร เอกสฺมึ ทลิทฺทกุเล ปจฺฉาชาโต มาตริ กาลกตาย ปาโตว อุฏฺฐาย ทนฺตกฏฺฐมุโขทกาทีนิ กโรนฺโต ภตึ วา กสึ วา กตฺวา ลทฺธวิภวานุรูเปน ยาคุภตฺตาทีนิ สมฺปาเทตฺวา ปิตรํ โปเสสิ ฯ อถ นํ ปิตา อาห ตาต ตฺวํ เอกโกว อนฺโต จ พหิ จ กตฺตพฺพํ กโรสิ เอกนฺเต กุลทาริกํ อาเนสฺสามิ สา เคเหว กตฺตพฺพํ กริสฺสตีติ ฯ ตาต อิตฺถิโย นาม ฆรํ อาคตา เนว มยฺหํ น ตุมฺหากํ จิตฺตสุขํ กริสฺสนฺติ มา เอวรูปํ จินฺตยิตฺถ อหํ ยาวชีวํ ตุมฺเห โปเสตฺวา ตุมฺหากํ อจฺจเยน ปพฺพชิสฺสามีติ ฯ อถสฺส ปิตา อนิจฺฉมานกสฺเสว เอกํ กุลทาริกํ อาเนสิ ฯ สา สสฺสุรสฺส จ สามิกสฺส จ อุปการิกา อโหสิ นีจวุตฺติ ฯ สามิโกปิสฺสา มม ปิตุ อุปการิกาติ ตุสฺสิตฺวา ลทฺธํ ลทฺธํ มนาปํ มนาปํ อาหริตฺวา เทติ ฯ สาปิ ตํ สสฺสุรสฺเสว อุปนาเมติ ฯ สา อปรภาเค จินฺเตสิ มยฺหํ สามิโก ลทฺธํ ลทฺธํ ปิตุ อทตฺวา มยฺหเมว เทเตว อทฺธา ปิตริ นิเสฺนโห ชาโต อิมํ มหลฺลกํ เอเกนุปาเยน มม สามิกสฺส ปฏิกูลํ กตฺวาเนื้อความอรรถกถาฉบับภาษาบาลี อักษรไทย เล่มที่ ๓๙ หน้าที่ ๔๗๗. http://84000.org/tipitaka/read/attha_page.php?book=39&page=477&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=39&A=9634&modeTY=2&pagebreak=1 http://84000.org/tipitaka/atthapali/th_line.php?B=39&A=9634&modeTY=2&pagebreak=1#p477
จบการแสดงผล หน้าที่ ๔๗๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]