บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 4 : PALI ROMAN Di.A. (sumangala.1) Page 287.
Hutva etam avocum. Iti kira nesam ahosi:- sace samano gotamo "tam jivam tam sariran"ti vakkhati, athassa mayam etam vadam aropessama "bho gotama tumhakam laddhiya idheva satto bhijjati, tena vo vado ucchedavado hoti"ti. Sace pana "annam jivam annam sariran"ti vakkhati, athasseva 1- vadam aropessama "tumhakam vade rupam bhijjati, na satto bhijjati. Tena vo vade satto sassato apajjati"ti. [379-380] Atha bhagava "ime vadaropanatthaya panham pucchanti, mama sasane pana ime dve ante anupagamma majjhima patipada atthi"ti na jananti, hande nesam panham avissajjetva tassayeva patipadaya avibhavattham dhammam desemi"ti cintetva "tenahavuso"ti adimaha. Tattha kallam nu kho tassetam vacanayati tassetam saddhapabbajitassa tividham silam paripuretva pathamajjhanam pattassa yuttam 2- nu kho etam vattunti 2- attho. Tam sutva paribbajaka "puthujjano nama yasma nibbicikiccho na hoti, tasma kadaci evam vadeyya"ti mannamana "kallam tassetam vacanaya"ti ahamsu. Atha ca panaham na vadamiti aham evametam 3- janami, no ca evam vadami, atha kho kasinaparikammam katva bhaventassa pannabalena uppannam mahaggatacittametanti sannam thapesim. Na kallam tassetanti idam te paribbajaka "yasma khinasavo vigatasammoho tinnavicikiccho, tasma na yuttantassetam vattun"ti mannamana vadanti. Sesamettha 4- uttanatthamevati. Iti sumangalavilasiniya dighanikatthakathaya jaliyasuttavannana nitthita. Sattamam ----------------- @Footnote: 1 cha.Ma. athassetam, i. athassa evam 2-2 ka. yuttam nu kho etam vacanaya @ vattum yuttanti, Si....etam vacanaya etam vattum yuttanti @3 cha.Ma. etamevam 4 Si. sesam sabbatthaThe Pali Atthakatha in Roman Character Volume 4 Page 287. http://84000.org/tipitaka/read/attha_page.php?book=4&page=287&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=4&A=7526&modeTY=2&pagebreak=1 http://84000.org/tipitaka/atthapali/rm_line.php?B=4&A=7526&modeTY=2&pagebreak=1#p287
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]