อรรถกถาเล่มที่ ๔๐ หน้าที่ ๑๕๖.

กิจฺฉา ลทฺธา ชีวิตํ อปฺปปญฺญ วินาสยี อลิกํ ภาสมาโน ฯ พาลสฺส มุฬฺหสฺส อกตญฺญุโน จ มุสา ภณนฺตสฺส อสญฺญิตสฺส มนฺเต มยํ ตาทิสเก น เทม กุโต มนฺโต คจฺฉ น มยฺห รุจฺจสีติ อิมา คาถา อาห ฯ ตตฺถ ธมฺเมนาติ อหํปิ ตว อาจริยภาคํ หิรญฺญํ วา สุวณฺณํ วา อคเหตฺวา ธมฺเมเนว สมฺปทาสึ ตฺวมฺปิ กิญฺจิ อทตฺวา ธมฺเมน สเมเนว ปฏิคฺคเหสิ ฯ ธมฺเม ฐิตนฺติ อาจริยปูชกธมฺเม ฐิตํ ฯ ตาทิสเกติ ตถารูเป อกาลผลคณฺหาปนเก มนฺเต น เทม คจฺฉ น เม รุจฺจสีติ ฯ โส เอวํ อาจริเยน อุยฺโยชิโต กึ มยฺหํ ชีวิเตนาติ อรญฺญํ ปวิสิตฺวา อนาถมรณํ มรีติ ฯ สตฺถา อิมํ ธมฺมเทสนํ อาหริตฺวา น ภิกฺขเว อิทาเนว ปุพฺเพปิ เทวทตฺโต อาจริยํ ปจฺจกฺขาย มหาวินาสํ ปตฺโตติ วตฺวา ชาตกํ สโมธาเนสิ ตทา อกตญฺญู มาณโว เทวทตฺโต อโหสิ ราชา อานนฺโท จณฺฑาลปุตฺโต ปน อหเมวาติ ฯ อมฺพชาตกํ ปฐมํ ฯ -------------

เนื้อความอรรถกถาฉบับภาษาบาลี อักษรไทย เล่มที่ ๔๐ หน้าที่ ๑๕๖. http://84000.org/tipitaka/read/attha_page.php?book=40&page=156&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=40&A=3168&modeTY=2&pagebreak=1 http://84000.org/tipitaka/atthapali/th_line.php?B=40&A=3168&modeTY=2&pagebreak=1#p156