อรรถกถาเล่มที่ ๔๐ หน้าที่ ๙๓.

ปาสาเทนตฺโถ นาหํ ตํ เฉทาเปสฺสามิ คจฺฉ ญาติสงฺฆปริวุโต สกฺกโต ครุกโต สุขํ ชีวาติ อาห ฯ เทวราชา รญฺโญ ธมฺมํ เทเสตฺวา อคมาสิ ฯ ราชา ตสฺโสวาเท ฐตฺวา ทานาทีนิ ปุญฺญานิ กตฺวา สคฺคปทํ ปูเรสิ ฯ สตฺถา อิมํ ธมฺมเทสนํ อาหริตฺวา เอวํ ภิกฺขเว ปุพฺเพปิ ตถาคโต ญาตฺถจริยํ อจริเยวาติ วตฺวา ชาตกํ สโมธาเนสิ ตทา ราชา อานนฺโท อโหสิ ตรุณสาเลสุ นิพฺพตฺตเทวตา พุทฺธปริสา อเหสุํ ภทฺทสาลเทวราชา ปน อหเมวาติ ฯ ภทฺทสาลชาตกํ ทุติยํ ฯ ----------------- ๓ สมุทฺทวาณิชชาตกํ ฯ กสนฺติ วปนฺติ เต ชนาติ อิทํ สตฺถา เชตวเน วิหรนฺโต เทวทตฺตสฺส ปญฺจกุลสตานิ คเหตฺวา นิรเย ปวิฏฺฐภาวํ อารพฺภ กเถสิ ฯ โส หิ อคฺคสาวเกสุ ปริสํ คเหตฺวา ปกฺกนฺเตสุ โสกํ สณฺฐาเรตุํ อสกฺโกนฺโต อุณฺหโลหิเต มุขโต นิกฺขมนฺเต พลวเวทนาปีฬิโต ตถาคตสฺส คุณํ อนุสฺสริตฺวา อหเมว ตถาคตสฺส อนตฺถํ จินฺเตสึ สตฺถุ ปน มยิ ปาปจิตฺตํนาม นตฺถิ อสีติมหาเถรานํปิ มยิ อาฆาโตนาม นตฺถิ มยากตกมฺเมน อหเมว อิทานิ อนาโถ ชาโต สตฺถาราปิมฺหิ วิสฺสฏฺโฐ มหาเถเรหิปิ ญาติเสฏฺเฐน

เนื้อความอรรถกถาฉบับภาษาบาลี อักษรไทย เล่มที่ ๔๐ หน้าที่ ๙๓. http://84000.org/tipitaka/read/attha_page.php?book=40&page=93&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=40&A=1879&modeTY=2&pagebreak=1 http://84000.org/tipitaka/atthapali/th_line.php?B=40&A=1879&modeTY=2&pagebreak=1#p93