อรรถกถาเล่มที่ ๔๒ หน้าที่ ๒๘๔.

สโมธาเนสิ ตทา ลุทฺโท อานนฺโท อโหสิ เขมา เทวี เขมา ภิกฺขุนี อโหสิ ราชา สารีปุตฺโต อโหสิ สุมุโข อานนฺโท อโหสิ เสสปริสา พุทฺธปริสา อเหสุํ ธตรฏฺโฐ ปน อหเมว สมฺมาสมฺพุทฺโธติ ฯ มหาหํสชาตกํ นิฏฺฐิตํ ฯ ทุติยํ ฯ -------------- สุธาโภชนชาตกํ นคุตฺตเม คิริวเร คนฺธมาทเนติ อิทํ สตฺถา เชตวเน วิหรนฺโต เอกํ ทานชฺฌาสยํ ภิกฺขุํ อารพฺภ กเถสิ ฯ โส กิร สาวตฺถิยํ เอโก กุลปุตฺโต สตฺถุ ธมฺมเทสนํ สุตฺวา ปสนฺนจิตฺโต ปพฺพชิตฺวา สีเลสุ ปริปูริการี ธุตงฺคคุเณน สมนฺนาคโต สพฺรหฺมจารีสุ ปวตฺตเมตฺตจิตฺโต ทิวสสฺส ติกฺขตฺตุํ พุทฺธธมฺมสงฺฆูปฏฺฐาเนสุ อปฺปมตฺโต อาจารสมฺปนฺโน ทานชฺฌาสโย สาราณียธมฺมปูรโก อโหสิ ฯ โส อตฺตนา ลทฺธํ ปฏิคฺคาหเกสุ วิชฺชมาเนสุ ฉินฺนภตฺโต หุตฺวาปิ เทติเยว ตสฺมา โส ทานชฺฌาสโย ทานาภิรโต ภิกฺขุสงฺเฆ ปากโฏ อโหสิ ฯ อเถกทิวสํ ภิกฺขู ธมฺมสภายํ กถํ สมุฏฺฐาเปสุํ อาวุโส อสุโก นาม ภิกฺขุ ทานชฺฌาสโย ทานาภิรโต อตฺตนา ลทฺธํ ปสตมตฺตํ ปานียํปิ โลภํ ฉินฺทิตฺวา สพฺรหฺมจารีนํ เทติ โพธิสตฺตสฺเสว อชฺฌาสโยติ ฯ สตฺถา ตํ กถํ ทิพฺพาย

เนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๒๘๔. http://84000.org/tipitaka/read/attha_page.php?book=42&page=284&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=5772&modeTY=2&pagebreak=1 http://84000.org/tipitaka/atthapali/th_line.php?B=42&A=5772&modeTY=2&pagebreak=1#p284