romanATTHA book 42 Page 329.

Evam visujjhanti apapakammino atho sucinnassa phalam na nassati ye keci addakkhum sudhabhojanam sabbeva te indasahabyatam gatati. Tattha apapakamminoti apapakamma satta evam visujjhanti. Ye keci addakkhunti ye keci satta tasmim himavantappadese tada kosiyena hiriya diyyamanam sudhabhojanam addasamsu. Sabbeva teti sabbepi tam danam anumoditva cittam pasadetva indassa sahabyatam gatati. Sattha imam dhammadesanam aharitva na bhikkhave idaneva pubbepetam adanabhiratam thaddhamacchariyam samanam aham damesimyevati vatva jatakam samodhanesi tada hiridevadhita uppalavanna ahosi kosiyo danapatibhikkhu pancasikho anuruddho matali anando suriyo kassapo cando moggallano narado sariputto sakko pana ahamevati. Sudhabhojanajatakam nitthitam. Tatiyam. --------

The Pali Atthakatha in Roman Character Volume 42 Page 329. http://84000.org/tipitaka/read/attha_page.php?book=42&page=329&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=42&A=6700&modeTY=2&pagebreak=1 http://84000.org/tipitaka/atthapali/rm_line.php?B=42&A=6700&modeTY=2&pagebreak=1#p329