อรรถกถาเล่มที่ ๔๒ หน้าที่ ๔๐๕.

เต ปน ภิกฺขู คมนกาเล สตฺถุ อานุภาเวน คนฺตฺวา อาคมนกาเล อตฺตโน จ อานุภาเวน อาคตาติ ฯ เตสํ สตฺถา มหาวเนเยว กมฺมฏฺฐานํ กเถสิ ฯ เต ตํ ทิวสเมว อรหตฺตํ ปาปุณึสุ ฯ มหาเทวตาสมาคโม อโหสิ ฯ อถ ภควา มหาสมยสุตฺตํ กเถสิ ฯ กถาปริโยสาเน พหู โสตาปตฺติผลาทีนิ ปาปุณึสูติ ฯ กุณาลชาตกํ นิฏฺฐิตํ ฯ จตุตฺถํ ฯ --------- มหาสุตโสมชาตกํ กสฺมา ตุวํ รสก อีทิสานีติ อิทํ สตฺถา เชตวเน วิหรนฺโต องฺคุลิมาลตฺเถรํ อารพฺภ กเถสิ ฯ ตสฺส อุปฺปตฺติ จ ปพฺพชฺชา จ องฺคุลิมาลสุตฺตวณฺณนายํ วุตฺตนเยเนว วิตฺถารโต เวทิตพฺพา ฯ โส ปน สจฺจกิริยาย มุฬฺหคพฺภาย อิตฺถิยา โสตฺถิภาวํ กตฺวา ตโต ปฏฺฐาย สุลภปิณฺโฑ หุตฺวา วิเวกมนุพฺรูหนฺโต อปรภาเค อรหตฺตํ ปตฺวา อภิญฺญาโตว อสีติยา มหาเถรานํ อพฺภนฺตโร อโหสิ ฯ ตสฺมึ กาเล ธมฺมสภายํ กถํ สมุฏฺฐาเปสุํ อาวุโส อโห วต ภควตา ตถารูปํ ลุทฺทํ โลหิตปาณึ มหาโจรํ องฺคุลิมาลํ อทณฺเฑน อสตฺเถน ทเมตฺวา นิพฺพิเสวนํ กโรนฺเตน ทุกฺกรํ กตํ อโห พุทฺธา นาม ทุกฺกรการกาติ ฯ สตฺถา คนฺธกุฏิยํ ฐิโตว ทิพฺพโสเตน เตสํ ภิกฺขูนํ

เนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๔๐๕. http://84000.org/tipitaka/read/attha_page.php?book=42&page=405&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=8267&modeTY=2&pagebreak=1 http://84000.org/tipitaka/atthapali/th_line.php?B=42&A=8267&modeTY=2&pagebreak=1#p405