อรรถกถาเล่มที่ ๔๒ หน้าที่ ๔๘๓.

อภิรุหิ ฯ โส ธมฺเมน รชฺชํ กาเรนฺโต จินฺเตสิ รุกฺขเทวตา มยฺหํ พหูปการา พลิกมฺมลาภมสฺส กริสฺสามีติ ฯ โส นิโคฺรธรุกฺขสฺส อวิทูเร มหนฺตํ ตฬากํ กาเรตฺวา พหูนิ กุลานิ เปตฺวา คามํ นิวาสาเปสิ ฯ คาโม มหา อโหสิ อสีติมคฺคอาปณสหสฺเสน ปฏิมณฺฑิโต ฯ ตํปิ รุกฺขมูลํ สาขนฺตโต ปฏฺาย ภูมึ สมตลํ กาเรตฺวา ปริกฺขิตฺตเวทิกปาการโตรณทฺวารยุตฺตํ กาเรสิ ฯ เทวตา อภิปฺปสีทิ ฯ กมฺมาสปาทสฺส ทมิตฏฺาเน นิวุฏฺตฺตา โส คาโม กมฺมาสปาทนิคโม นาม ชาโต ฯ เต สพฺเพปิ ราชาโน มหาสตฺตสฺส โอวาเท ตฺวา ทานาทีนิ ปุญฺานิ กตฺวา สคฺคปทํ ปูรยึสุ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา นาหํ ภิกฺขเว อิทาเนว องฺคุลิมาลํ ทเมสึ ปุพฺเพปิ องฺคุลิมาโล มยา ทมิโตเยวาติ วตฺวา ชาตกํ สโมธาเนสิ ตทา โปริสาโท องฺคุลิมาโล อโหสิ กาลหตฺถี สารีปุตฺโต นนฺทพฺราหฺมโณ อานนฺโท รุกฺขเทวตา กสฺสโป สกฺโก อนุรุทฺโธ เสสราชาโน พุทฺธปริสา มาตาปิตโร มหาราชกุลานิ อเหสุํ สุตโสมราชา ปน อหเมว สมฺมาสมฺพุทฺโธติ ฯ สุตโสมชาตกํ นิฏฺิตํ ฯ ปญฺจมํ ฯ อิติ อสีตินิปาตวณฺณนา นิฏฺิตา ฯ

เนื้อความอรรถกถาฉบับภาษาบาลี อักษรไทย เล่มที่ ๔๒ หน้าที่ ๔๘๓. http://84000.org/tipitaka/read/attha_page.php?book=42&page=483&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=42&A=9880&pagebreak=1 http://84000.org/tipitaka/atthapali/th_line.php?B=42&A=9880&pagebreak=1#p483