อรรถกถาเล่มที่ ๔๖ ภาษาบาลี อักษรไทย
นิทฺ.อ.๒ (สทฺธมฺมปชฺ.)
หน้าที่ ๙๓.

ปารายนิกพฺราหฺมณานํ ปญฺหานํ เอว, อถ โข ปิงฺคิยปริพฺพาชกาทีนมฺปิ ๑-
ปญฺหานํ อนฺตํ กโรตีติ ทสฺเสตุํ "ปิงฺคิยปญฺหานนฺ"ติอาทิมาห. ๑-
      [๑๒๐] อสํหีรนฺติ ราคาทีหิ อสํหาริยํ. อสงฺกุปฺปนฺติ อสํกุปฺปํ
อวิปริณามธมฺมํ. ทฺวีหิปิ ปเทหิ นิพฺพานํ ภณติ. อทฺธา คมิสฺสามีติ เอกํเสเนว
ตํ อนุปาทิเสสํ นิพฺพานธาตุํ คมิสฺสามิ. น เมตฺถ กงฺขาติ นตฺถิ เม เอตฺถ
นิพฺพาเน กงฺขา. เอวํ มํ ธาเรหิ อธิมุตฺตจิตฺตนฺติ ปิงฺคิโย "เอวเมว ตฺวมฺปิ
ปมุญฺจสฺสุ สทฺธนฺ"ติ อิมินา ภควโต โอวาเทน อตฺตนิ สทฺธํ อุปฺปาเทตฺวา
สทฺธาธุเรเนว จ วิมุญฺจิตฺวา ตํ สทฺธาธิมุตฺตึ ปกาเสนฺโต ภควนฺตํ อาห
"เอวํ มํ ธาเรหิ อธิมุตฺตจิตฺตนฺ"ติ. อยเญฺหตฺถ อธิปฺปาโย "ยถา มํ ตฺวํ
อวจ, เอวเมว มํ อธิมุตฺตจิตฺตํ ธาเรหี"ติ.
      น สํหริยตีติ คเหตฺวา สํหริตุํ น สกฺกา. นิโยควจนนฺติ ยุตฺตวจนํ.
อวตฺถาปนวจนนฺติ สนฺนิฏฺานวจนํ. อิมสฺมึ ปารายนวคฺเค ยํ อนฺตรนฺตรา น
วุตฺตํ, ตํ เหฏฺา วุตฺตนเยน คเหตพฺพํ. เสสํ สพฺพตฺถ ปากฏเมว.
                  สทฺธมฺมปฺปชฺโชติกาย จูฬนิทฺเทสฏฺกถาย
                 ปารายนานุคีติคาถานิทฺเทสวณฺณนา นิฏฺิตา.
                      ปารายนวคฺควณฺณนา นิฏฺิตา.
                            --------
@เชิงอรรถ: ๑ ฉ.ม. สภิย....


เนื้อความอรรถกถาฉบับภาษาบาลี อักษรไทย เล่มที่ ๔๖ หน้าที่ ๙๓.
http://84000.org/tipitaka/read/attha_page.php?book=46&page=93&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=46&A=2359&pagebreak=1
http://84000.org/tipitaka/atthapali/th_line.php?B=46&A=2359&pagebreak=1#p93