romanATTHA book 47 Page 321.

Samantato nata honti. Tirita hontiti tiranaparinnavasena aniccadito upaparikkhita samapita nama honti. Pahina hontiti aniccanupassanadina nanena niccasannadayo bhanganupassanato patthaya pahina honti. Pariccatta hontiti pahanavaseneva chaddita nama honti. Bhavita hontiti vaddhita paribhavita ca honti. Ekarasa hontiti sakiccasadhanapatipakkhappahanena ekakicca honti, paccanikato va vimuttivasena vimuttirasena ekarasa honti. Sacchikata hontiti patilabhavasena phaladhammo pativedhavasena nibbanadhammoti paccakkhakata honti. Phassita hontiti patilabhaphusanena pativedhaphusanena ca phassita anubhuta honti. Imani panca nanani hettha sutamayananavasena vuttani, idha sakiccavasena. Nanapancakaniddesavannana nitthita. ------------ 25-28 Patisambhidanananiddesavannana [76] Patisambhidanananiddese yasma dhamme avutte tassa kiccam na sakka vattum, tasma udditthanam patipatim anadiyitva pathamam dhamma niddittha. Dhammadinam attha vuttayeva. Saddhindriyam dhammotiadihi dhammasaddapariyapanne dhamme vatva nanattasaddassa attham dassento anno saddhindriyadhammotiadimaha. "anno dhammo"ti hi vutte dhammanam nanattam dassitam hoti. Patividitati abhimukhabhavena vidita pakata nama honti. Tena patisambhidapadassa attho vutto. Adhimokkhattho atthotiadihi tesam saddhadinam adhimuccanadikiccam attho namati dasseti. Sandassetunti param napetukamassa param sandassetum. Parassa pana vacanam sunantassapi labbhatiyeva. Byanjananiruttabhilapati namabyanjanam namanirutti namabhilaPo. Namam hi attham

The Pali Atthakatha in Roman Character Volume 47 Page 321. http://84000.org/tipitaka/read/attha_page.php?book=47&page=321&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=47&A=7167&modeTY=2&pagebreak=1 http://84000.org/tipitaka/atthapali/rm_line.php?B=47&A=7167&modeTY=2&pagebreak=1#p321