บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 49 : PALI ROMAN Apa.A.1 (visuddha.1) Page 151.
Evam patinnatapanhanam matikathapanavasena akusalapadanam samattam nama hotiti vuttam ittham sudanti ittham imina pakarena hettha vuttanayena. Sudanti nipato padapuranatthe agato. Bhagava bhagyasampanno puritaparamimahasatto:- "bhagyava bhaggava yutto bhagehi ca vibhattava bhattava vantagamano bhavesu bhagava tato"ti evamadigunayutto devatidevo sakkatisakko brahmatibrahma buddhatibuddho so mahakaruniko bhagava attano buddhacariyam buddhakaranam sambhavayamano pakatam kurumano buddhapadaniyam nama buddhakaranapakasakam nama dhammapariyayam dhammadesanam suttam abhasittha kathesiti. Iti visuddhajanavilasiniya apadanatthakathaya buddhapadanavannana samatta. ----------- 2. Paccekabuddhapadanavannana tato anantaram apadanam sangayanto "paccekabuddhapadanam avuso ananda bhagavata kattha pannattan"ti puttho "atha paccekabuddhapadanam sunatha"ti aha. Tesam apadanattho hettha vuttoyeva. [83] "sunatha"ti vuttapadam uppattinibbattivasena pakasento "tathagatam jetavane vasantan"tiadimaha. Tattha jetakumarassa namavasena tathasannite vihare catuhi iriyapathaviharehi dibbabrahmaariyaviharehi va vasantam viharantam yatha purimaka vipassiadayo buddha samattimsaparamiyo puretva agata, tatha amhakampi bhagava agatoti tathagato. Tam tathagatam jetavane vasantanti sambandho. Vedehamuniti vedeharatthe jata vedehi, vedehiya putto vedehiputto. Monam vuccati nanam, tena ito gato pavattoti muni. Vedehiputto ca so muni ceti "vedehiputtamuni"ti vattabbe "vannagamo"tiadinaThe Pali Atthakatha in Roman Character Volume 49 Page 151. http://84000.org/tipitaka/read/attha_page.php?book=49&page=151&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=49&A=3788&modeTY=2&pagebreak=1 http://84000.org/tipitaka/atthapali/rm_line.php?B=49&A=3788&modeTY=2&pagebreak=1#p151
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]